Hugsanleg 3 stiga meðalhlýnun hér á landi á næstu hundrað árum eða svo hefur bæði jákvæðar og neikvæðar hliðar fyrir gróður á Íslandi. Hlýnunin mun hafa þau áhrif að fyrr vorar og seinna haustar, semsagt að veturinn styttist en sumarið lengist. Þessi hlýnun í báða enda sumarsins, verði hún að veruleika, mun þýða að vaxtartímabil fyrir korn mun lengjast.

Fimm bændur undirbúa nú sameiginlega málssókn á hendur MS og fara fram á hærri greiðslur en þeir fengu úr séreignarsjóði samsölunnar. Bændurnir fengu, ásamt um 600 öðrum, greiðslu úr séreignarsjóði mjólkurframleiðenda í júní 2002. Með þessu voru þeir borgaðir út úr sjóðnum. Þetta eru þeir ósáttir við og hefðu viljað eiga áfram inni í sjóðnum.

Slökkviliðsmönnum af öllum Rangárvöllum tókst í nótt að koma í veg fyrir að stórtjón yrði að bænum Meiri-Tungu í Holtum þegar eldur blossaði þar upp í vélaskemmu sem gjöreyðilagðist.
Þar inni voru meðal annars gaskútar en svo vel tókst til að þeir sprungu ekki. Yfir 30 kýr, sem voru í áföstu fjósi, var hleypt út í frostið þegar reyk lagði þar inn. Þær sakaði ekki og voru vistaðar í reiðskemmu á næsta bæ.

Í dag (9.feb.) skrifar Erna Bjarnadóttir, hagfræðingur Bændasamtaka Íslands, grein í Fréttablaðið undir fyrirsögninni „Bónus boðar lægri álagningu á landbúnaðarvörur“ þar sem hún ræðir um auglýsingar Bónus um matvöruverð í „Draumalandinu“. Grein hennar fer hér á eftir:

Impra nýsköpunarmiðstöð hóf námskeið sitt í átaksverkefninu „Vaxtarsprotar“ þriðjudagskvöldið 6. febrúar sl. á Stóra-Ármóti. Aðsókn að námskeiðinu var afar góð en ríflega 30 nemendur mættu á þennan fyrsta fund þar sem G.Ágúst Pétursson ásamt starfsmönnum Impru kynntu nemendum þá möguleika sem í verkefninu felast og aðstoðuðu við hugmyndavinnu.

Bresk kona, Isla Arendell hefur tekið upp nýstárlegar aðferðir til að mótmæla lágu afurðaverði á mjólk til bænda þar í landi. Hér baðar hún sig í mjólk fyrir framan breska þinghúsið en með mótmælaaðferðinni vill hún koma þeim skilaboðum á framfæri að mjólk er álíka dýr (eða ódýr) úti í búð og vatn á flöskum.

Búnaðarsamtök Vesturlands hafa haldið úti verkefninu „Aukið hagrænt gildi skotveiðihlunninda“ frá haustinu 2005. Marmið verkefnisins er eins og felst í heiti þess að auka hagrænt gildi skotveiðihlunninda og standa um leið vörð um hagsmuni landeigenda. Ráðinn var starfsmaður í 50% starf til að vinna að verkefninu í samstarfi við Árna Snæbjörnsson hlunnindaráðunaut BÍ og Má Pétursson lögfræðing BÍ. Verkefnið er styrkt af Bændasamtökum Íslands og Framleiðnisjóði landbúnaðarins.

Framleiðnisjóður landbúnaðarins hefur veitt Landbúnaðarstofnun og Tilraunastöðinni á Keldum styrk til rannsóknar á orsök og eðli veiruskitu í kúm. Að rannsókninni standa Vilhjálmur Svansson, dýralæknir og veirufræðingur á Keldum, Eggert Gunnarsson dýralæknir og bakteríufræðingur á Keldum og Auður Lilja Arnþórsdóttir dýralæknir og faraldsfræðingur á Landbúnaðarstofnun.

Lokahnykkurinn í uppgjöri skýrsluhalds nautgriparæktarinnar stendur nú yfir. Meðal þeirra niðurstaðna sem úr skýrsluhaldinu er að finna eru afdrif  kálfa á s.l. ári. Hér á Suðurlandi eru alls skráðir fæddir 8.477 kálfar, 4.524 naut (53,4% og 3.953 kvígur (46.6%). Af þessum 8.477 kálfum eru 1.101 skráðir fæddir dauðir eða 13,0% sem er tveimur prósentustigum minna en á árinu 2005.

Niðurstöður skýrsluhalds nautgriparæktarfélaganna fyrir árið 2006 eru nú komnar á vefinn. Á árinu 2006 skiluðu alls 234 bú skýrslum og hefur þeim fækkað um sex milli ára. Þátttaka í skýrsluhaldi eykst samt hutfallslega og er nú 90,1% miðað við magn innlagðrar mjólkur en var 88,5% árið áður. Fjöldi kúa á skýrslu eykst þó nokkuð og t.d. fjölgar árskúm úr 7.571,9 í 8.185,8 og heilsárskúm fjölgar í 5.124 í 5.570.

Frændur okkar Danir fara engum silkihönskum um bændur sem uppvísir verða að vanrækslu í búskapnum. Dómsvöld þar í landi hafa svipt 44 ára gamlan bónda frá Mors leyfi til að halda húsdýr og jafnframt dæmt hann í 30 daga fangelsi fyrir vanrækslu. Hann missir auk þess réttinn til að vinna með dýr yfirleitt.

Danir eru í annarri aðstöðu en við um þessar mundir hvað varðar framleiðslu mjólkur. All útlit er fyrir að þeir fari vel fram yfir landskvótann og verði því að borga sektir til ESB. Tveim mánuðum fyrir lok kvótaársins var framleiðslan 29 milljónum lítra meiri en kvótinn en venjulega dregur úr framleiðslunni í lok kvótaársins.

Rætt var um framkvæmd laganna um þjóðlendur utan dagskrár á Alþingi í dag að ósk Björgvins G. Sigurðssonar, þingmanns Samfylkingarinnar, sem sagði að framkvæmd laganna væri með ólíkindum og fjármálaráðherra hafi farið offari gegn landeigendum og bændum. Sagði Björgvin, að þeirri herferð yrði að ljúka.

Rúmlega 250 manns sátu stofnfund Landssamtaka landeigenda á Íslandi sem haldinn var í dag, 25. janúar. Þar var samþykkt ályktun hljóðar á þá leið að þjóðlendulögunum verði breytt strax á þá leið að jörð með athugasemdalausu þinglýstu landamerkjabréfi verði eignarland. Auk þess að afréttir verði ekki gerðar að þjóðlendum. Guðný Sverrisdóttir, sveitastjóri Grýtubakkahrepps, var kjörin formaður samtakanna.

Velskt mjólkurbú hefur fundið lausn á þeim vanda einstæðra kúabænda að finna sér maka. Calon Wen mjólkurbúið gefur nú einstæðum kúabændum kost á að birta mynd af sér á mjólkurfernum með það í huga að viðkomandi veki áhuga einhverra í makaleit.

Heimildarmyndin „Í dagsins önn“ er nú komin á DVD en myndin sem áður var á þremur VHS myndböndum var uppseld. Með hliðsjón af því að notkun myndbandstækja fer nú stöðugt minnkandi var ákveðið að endurútgefa myndina á DVD. Um er að ræða 3 diska sem seldir eru saman í setti og kosta 5.000 kr.

Mikil umræða á sér nú stað innan ESB eftir að í ljós kom að á bresku búi er að finna kú sem er dóttir klónaðrar kýr í Bandaríkjunum. Gripurinn sem heitir Dundee Paradise er undan tvöföldum „Supreme champion“ á World Dairy Expo í Wisconsin.

Nú stendur yfir vinnsla á ársuppgjöri skýrsluhalds nautgriparæktarinnar og þegar er ljóst að Íslandsmet í mjólkurafköstum einstakra kúa á einu almanaksári er fallið. Nýi Íslandsmethafinn er Blúnda 468 á Helluvaði á Rangárvöllum, dóttir Káts 99012, móðurfaðir Fantur 96789 sonur Flakkara 88015. Blúnda náði þeim einstaka árangri á síðasta ári að mjólka 13.327 kg mjólkur en fyrra Íslandsmet átti Gláma 913 í Stóru-Hildisey 2 12.762 kg og var það frá árinu 2004.