Fréttir
Hrútaskráin 2026-2027
Hrútaskráin er komin á vefinn og er hér hlekkur inn á hana. Hún kemur úr prentun eftir miðjan nóvember og ætti að vera til afhendingar eftir 17. nóvember. Hrútafundirnir þar sem fram fer kynning á hrútunum, yfirlit yfir ræktunarstarfið ásamt verðlaunaveitingu fyrir hæst stiguðustu lambhrútana verða svo sem hér segir
Félagslundur 19. nóvember kl 20:00
Kirkjuhvoll 20. nóvember kl 12:00
Smyrlabjörg 20. nóvember kl 20:00
Huppa frá Kluftum 100 ára
Það eru 100 ár frá fæðingu Huppu frá Kluftum þriðjudaginn 3. nóvember. Í tilefni af því standa Búnaðarsamband Suðurlands, Hrunamannahreppur og Nautgriparæktarfélag Hrunamanna fyrir málþingi og afmælisfagnaði í félagsheimilinu á Flúðum. Málþingið hefst kl. 11.00 og áætlað er að það standi til kl. 15.20 en endar á kaffisamsæti. Þar verður fjallað um þau miklu áhrif sem Huppa hefur haft á íslenska nautgriparækt en auk þess verða flutt erindi um Kluftir, Huppuhornið, Helga á Hrafnkelsstöðum, kúaliti og kúanöfn.
Málþingið og afmælisfagnaðurinn er öllum opinn og áhugamenn um nautgripi og nautgriparækt sérstaklega velkomnir og ættu ekki að láta þennan viðburð fram hjá sér fara. Dagskráin fylgir hér með.
