Fréttir
Niðurstöður tilboða í Angus nautin hjá Nautís
Í dag voru opnuð tilboð í þau 6 Angus naut sem voru boðin til kaups hjá Nautís. Það bárust boð frá 10 rekstraraðilum og reyndist meðalverðið rúmar 2 milljónir í grip. Í fyrra var meðalverðið 1.587 þúsund í naut. Þá fara 3 naut að Hesti til sæðistöku og kyngreiningar á sæði og verða þau ekki seld núna. Nautin verða afhent næstu daga og um leið og nýjum eigendum er óskað til hamingju með gripina vonum við að þeir nýtist vel. Hér fyrir neðan er skjal sem sýnir hæsta tilboð í hvern grip
Leiðrétting á lýsingum nauta í Bændablaðinu
Myndin er af Naggi 25403 en í kynningu á nautunum í Bændablaðinu var mynd af nautinu Styr 25404 við lýsinguna á Naggi. Línulega matið sem er við þá mynd á við Nagg en í blaðinu stendur að það eigi við Styr.
Þá er ættartafla Reimars 105 röng. Hann er undan Lis Roll in one og Lukku 59 sem er undan Laurens av Krogdal og Eir sem er dóttir Horgen Erie
Réttar upplýsingar er hinsvegar að finna í bæklingnum sem er hér á heimasíðunni og á vefnum hjá holdanautabændum.
Bæklingur um sölugripi Nautís
Bæklingur um þau Angus naut sem eru til sölu og þau sem fara að Hesti til sæðistöku og kyngreiningar. Sökum stærðar birtist hann í þrennu lagi. Nautið á myndinni er Náli 120
