Árni Mathiesen fjármálaráðherra og Guðni Ágústsson landbúnaðarráðherra skrifuðu sl. föstudag undir viljayfirlýsingu fyrir hönd ríkisstjórnarinnar um 80 milljóna kr. stuðning við uppbyggingu fyrir hestaíþróttaaðstöðu á Gaddstaðaflötum við Hellu.

Töluverðar búsifjar urðu á bænum Sigmundarstöðum í Þverárhlíð þar sem sveppur í íslensku þurrkuðu byggi er talinn hafa drepið tíu ær, allar með lömbum og tvær til viðbótar hafa veikst. Veikin líkist Hvanneyrarveikinni, sem margir bændur kannast við, en er ekki sú sama.

Hér á landi ríkir stefnuleysi í málefnum er varða erfðabreyttar lífverur og útbreiðslu þeirra segir í Morgunblaðinu í dag. Engin löggjöf, líkt og sett hefur verið á öllum Norðurlöndum og í velflestum Evrópuríkjum, er um merkingar á erfðabreyttu fóðri og matvælum né um meðferð og útbreiðslu þeirra í náttúrunni. Engu að síður hafa þegar verið leyfðar sleppingar erfðabreyttra lyfjaplantna út í umhverfið hér á landi og áform um frekari sleppingar eru á döfinni. Erfðabreytt matvæli eru flutt inn og seld hér ómerkt sem og erfðabreytt fóður í miklum mæli selt bændum og notað í flestar greinar búfjárræktar.

Vextir á verðtryggðum innlánum og útlánum Kaupþings hækkuðu um mánaðamótin um allt allt að 0,5 prósentur. Þannig hækka breytilegir kjörvextir verðtryggðra skuldabréfalána um 0,5 prósentur úr 7,5% í 8%. Vextir á íbúðalánum Kaupþings breytast ekki og eru eftir sem áður 4,95%.

Mjög hlýtt hefur verið á landinu undanfarna daga og t.d. mældist 22,6°C hiti í Ásbyrgi kl. 15.00 í gær samkvæmt sjálfvirkum mæli og hámarkshitinn klukkutímann á undan var 23°C. Þetta virðist vera hitamet hér á landi í apríl en eldra metið var 21,8°C á Sauðanesi 18. apríl 2003, að því er kemur fram á bloggsíðu Einars Sveinbjörnssonar, veðurfræðings.

Senn líður að kynbótasýningum á Suðurlandi og höfuðborgarsvæðinu og ekki seinna vænna en að kynna hvar og hvenær tekið verður við skráningum. Að þessu sinni verður engin sýning í Kópavogi en sú sýning færist í Hafnarfjörðinn. Að öðru leyti er fyrirkomulag sýninganna svipað og í fyrra. Sýningin á Gaddstaðaflötum verður þó sennilega færri daga en venjulega þar sem þar verða tvö dómaragengi að störfum í einu. Sýningarnar verða sem hér segir:

Ábúendur í Dyrhólahverfi í Mýrdal hafa hlotið vottun til staðfestingar á sjálfbærum landnytjum í Dyrhólaey. Annarsvegar er um að ræða vottun samkvæmt alþjóðlegum reglum um lífræna framleiðslu til söfnunar á villtum heilsuplöntum. Hinsvegar eru vottaðar nytjar á æðarvarpi til söfnunar á dún samkvæmt reglum Túns um sjálfbærar náttúrunytjar. Vottorð þessu til staðfestingar voru nýlega afhent ábúendum.

Á aðlafundi Búnaðarsambands Suðurlands s.l. föstudag voru afhentar viðurkenningar fyrir miklar afurðir í nautgriparæktinni. Sex afurðahæstu búin á árinu 2006 hlutu viðurkenningu ásamt því sem veittar voru viðurkenningar fyrir þrjár afurðahæstu kýrnar og sérstök viðurkenning fyrir glæsilegt Íslandsmet fyrir afurðir á einu og sama almanaksárinu. Viðurkenningu hlutu:

Alls bárust 95 tilboð í tollkvóta vegna innflutnings á kjöti skv. 2. kafla tollskrár frá Evrópubandalaginu fyrir tímabilið mars – desember 2007 samkvæmt tilkynningu frá landbúnaðarráðuneytinu. Um endurtekið útboð var um að ræða þar sem öllum tilboðum var hafnað síðast.

Eins og við sögðum frá fyrir skömmu stefnir fasteignafélagið Lífsval að því að koma á fót stærsta kúabúi landsins á jörðinni Flatey á Mýrum en þar með verður félagið með framleiðslugetu upp á hátt á fjórðu milljón mjólkurlítra á ári. Fasteignafélagið hefur undanfarið rekið tvö kúabú, eitt á Skriðufelli við Jökulsárhlíð og annað á Ytrafelli í Eyjafirði. Samkvæmt heimildum fréttastofu útvarps hyggst félagið halda mjólkurframleiðslu þar áfram, en samanlögð framleiðslugeta búanna tveggja er um sex til sjö hundruð þúsund mjólkurlítrar á ári.

Bændasamtökin hafa tekið saman upplýsingabækling um íslenskan landbúnað. Heiti hans, „Sveit og borg – saman í starfi“, vísar til þess mikilvæga sambands sem er á milli dreifbýlis og þéttbýlis.

Stefnt er að því að stærsta kúabú landsins muni rísa á jörðinni Flatey á Mýrum í Austur-Skaftafellssýslu síðar á þessu ári. Þegar búið hefur náð fullri stærð verða þar um 500 mjólkurkýr, með framleiðslugetu á hátt á þremur miljónum mjólkurlítra árlega.

Landsamband kúabænda býst við auknum þrýstingi á að mæta kröfum um raunlækkun á mjólkurvörum. Formaður sambandsins segir mikilvægt að ná niður framleiðslukostnaði og vill samninga við stjórnvöld.

Á aðalfundi Landssambands kúabænda voru kynntar skoðanakönnunar sem Capacent Gallup gerði í desember 2006 með 3.537 manna úrtaki. Þær sýna svo ekki verður um villst að íslensk dykkjarmjólk er það sem neytendur hérlendis vilja.

Meirihluti landsmanna er andvígur því að leyft verði að flytja inn nýtt mjólkurkúakyn en LK hefur kannað hug landsmanna til hugsanlegs innflutnings á nýju mjólkurkúakyni.

Aðalfundur Landssamtaka sauðfjárbænda var settur í Bændahöllinni í gær. Meðal þess sem kom fram í máli Jóhannesar Sigfússonar, formanns Landssamtakanna, var að íslenskur landbúnaður hefur ekki bolmagn til að berjast um lönd og jarðir við peningahyggju og sýndarmennskuþörf auðmanna.

Ekki hefur náðst að fjármagna tilraunamjólkurbúið sem Grænlendingar ætluðu að koma á fót og hugsanlega verður hætt við verkefnið vegna þess.
Tilraunastöðin í Upernaviarsuk í Julianehåb á SV-Grænlandi stendur fyrir því að reyna að koma á fót fyrsta mjólkurbúinu á Grænlandi. Í dag verða Grænlendingar að gera sér G-mjólk að góðu þar sem verð á lítra af nýmjólk er 400-500 kr. en flutningskostnaður er mikill eigi að koma vörunni ferskri í búðarhillur. Með mjólkurbúi myndi opnast möguleiki á aðgengi Grænlendinga á nýmjólk á hóflegu verði allan ársins hring.

Sveitarstjórn Rangárþings ytra vill að fyrirhugaður Landgræðsluskóli Sameinuðu þjóðanna hér á landi verði staðsettur á Gunnarsholti. Hugmyndin hefur verið kynnt utanríkis og landbúnaðarráðuneytunum en beðið er eftir svari. Um er að ræða háskólastofnun um uppgræðslu og landbætur fyrir um þrjátíu útlendinga.

„Hingað til hefur stórum hluta af slögunum verið hent, þannig að þetta er búbót þótt upphæðirnar í spilinu séu ekkert sérlega háar,“ segir Ingvar Már Gíslason, markaðsstjóri Norðlenska. Fyrirtækið hefur selt um hundrað tonn af úrbeinuðum kindaslögum til Bretlandseyja á undanförnu ári. Þar eru þau notuð í kebabgerð.

Alkunnugt er að ýmsir menn þola illa fínleg hár af kattarfeldi, en sérfræðingar Edinborgarháskóla segja suma ketti, og ýmiss önnur dýr, hafa ofnæmi fyrir mönnum. Þannig valdi húðfrumur og hár manna því að 2% katta eigi við ýmsa ofnæmiskvilla að stríða, svo sem kláða, hnerra og öndunarsjúkdóma á borð við asma.