Í kjölfars dóms Hæstaréttar Íslands sem féll nú áðan, á þann veg að ólögmæt gengislán skulu bera óverðtryggða vexti Seðlabanka Íslands, hefur efnahags- og viðskiptaráðuneytið sent frá sér fréttatilkynningu þar sem lagasetning er boðuð. Tryggt verði með lögum að niðurstaða Hæstaréttar nái til allra lána vegna bíla- og húsnæðiskaupa sem tengd eru gengi erlendra gjaldmiðla.

Hæstiréttur Íslands staðfesti nú rétt áðan dóm Héraðsdóms Reykjavíkur frá 23. júlí sl. um að vextir á ólögmætum gengistryggðum lánum skuli vera óverðtryggðir vextir Seðlabanka Íslands frá lántökudegi.

Sala á íslenskum minkaskinnum hefur gengið vel á yfirstandandi uppboði hjá Kopenhagen Fur í Danmörku. Íslensk skinn hafa aldrei selst á betra verði en nú og hafa farið í allt að 540 dönskum krónum stykkið. Það eru rúmar 11 þús. ISK. Allt stefnir í að útflutningsverðmæti minkaskinna frá Íslandi verði rúmur milljarður á þessu ári en meðalverðið verður líklega á bilinu 310-320 DKK.
„Minkaskinn eru flokkuð og seld eftir gæðum og stærð. Miklar framfarir hafa orðið í framleiðslunni hér en Ísland er nú í 3. sæti yfir lönd sem framleiða verðmætustu skinnin. Danir trjóna á toppnum og þeim næst koma Norðmenn en alls eru minkaskinn framleidd í á fjórða tug landa“, að sögn Einars E. Einarssonar loðdýraræktarráðunautar hjá BÍ. Einar segir að um 500 kaupendur séu á uppboðinu þar af um helmingur frá Asíu.

Uppgjör skýrsluhalds nautgriparæktarinnar fyrir ágúst hefur verið birt á vef BÍ. Afurðir hér á Suðurlandi standa nú í 5.483 kg/árskú sem er 43 kg meira en um áramótin síðustu. Af sýslunum fjórum eru afurðir nú mestar í Árnessýslu eða 5.563 kg /árskú. Á landsvísu standa afurðir eftir árskú nú í 5.334 kg.
Tröð í Borgarbyggð (fyrrum Kolbeinsstaðahreppi) er sem stendur afurðahæsta búið með 7.848 kg/árskú. Af sunnlenskum búum er Reykjahlíð efst og í þriðja sæti á landsvísu með 7.661 kg/árskú. Þar skammt á eftir kemur Gunnbjarnarholt með 7.508 kg/árskú og er í fjórða sæti á landsvísu. Gunnbjarnarholt er langstærsta búið á landinu sem er með afurðir yfir 7.000 kg/árskú að loknu ágúst-uppgjöri með 109,6 árskýr. Þau bú hafa aldrei verið fleiri en nú eru 18 bú sem ná þessu marki og hefur fjölgað um eitt frá því í júlí.

Arla ákvað í dag að byggja nýtt mjólkurbú við Aston Clinton, Aylesbury, rétt um 70 km utan við London. Mjólkurbúið kemur til með að kosta um 150 milljónir punda eða rétt um 27,5 milljarða ISK. Mjólkurbúið verður jafnframt það fyrsta í veröldinni sem getur tekið við meira en einum milljarði lítra mjólkur á ári eða eða rétt tæplegra tífaldri landsframleiðslu Íslands á mjólk.

Ljóst er að frumvarp til breytinga á búvörulögum, mjólkurfrumvarpið svokallaða, verður ekki samþykkt á yfirstandandi þingi. Líkur eru til þess að nýtt frumvarp, í talsvert breyttri mynd, verði lagt fram á haustþingi. Þær breytingar gætu falið í sér að sektarákvæði verði felld út úr frumvarpinu en í stað þess yrði tekið upp útflutningsgjald á umframmjólk sem myndi hugsanlega miðast við verðlagsnefndarverð til mjólkurbænda eða mismun á útflutningsverði og verðlagsnefndarverði. Þá er rætt um að hækka ívilnun til aðila í heimavinnslu upp í 20.000 lítra.

Flest bendir til að búvörusamningar bænda verði ekki skertir frekar á komandi fjárlögum en verulegs niðurskurðar sé að vænta í nýjum búnaðarlagasamningi. Með því er eftir megni reynt að komast hjá frekari skerðingu á kjörum bænda. Þetta kemur fram á vef Bændablaðsins og er að sögn haft eftir heimildum innan úr stjórnkerfinu.

Þorsteinn Ólafsson, dýralæknir nautgripa- og sauðfjársjúkdóma hjá Matvælastofnun, hefur tekið saman nokkra punkta um meðferð sauðfjár í réttum. Punktar Þorsteins eru vel þess virði að lesa þá og fara hér á eftir:

Kaupfélag Skagfirðinga í samstarfi við Leiðbeiningamiðstöðina hefur ákveðið að bjóða sauðfjárbændum í Skagafirði hagstæð lán til til fjölgunar sauðfjár með aukinni framleiðslu og bættri afkomu að leiðarljósi með svo kölluðu Bústofnsláni KS að því er fram kemur á feykir.is.
Sauðfjárbændur fengu bréf þess efnis nú í vikunni en það gengur út á það að lánað verður á ásetta gimbur umfram það sem þarf til að viðhalda fjárstofni sem er um 15-20%. Miðað er við að fjölgun sauðfjár hjá lántakenda verði að lágmarki miðað við 30 lífgimbrar og nemur upphæðin kr. 9.000 á hverja lífgimbur. Lánað verður til 5 ára og er lánið vaxtalaust en verðtryggt.

Þar sem uppgjöri á vorupplýsingum er að ljúka er því beint til fólks hvort gleymst hafi að senda upplýsingarnar til uppgjörs. Til að ljúk frágangi þarf að fara í skil að vori og senda vorgögnin í uppgjör. Á hverju ári eru örfáir skýrsluhaldarar þar sem þessi aðgerð misferst. Á annan hátt getum við hins vegar ekki fengið vitneskju um að upplýsingarnar séu frágengnar og megi senda haustbókina. Ef þú ert í hópi þeirra örfáu sem hafa ekki enn lokið skráningu vorupplýsinga ertu hvattur til að gera það strax og senda síðan til uppgjörs.

Aðalfundur Búnaðarsambands Suðurlands var haldinn á Kirkjubæjarklaustri 31.ágúst síðastliðinn. Halda átti aðalfundinn í apríl síðastliðnum en honum var frestað vegna eldsumbrotanna í Eyjafjallajökli. Í skýrslum formanns, Guðbjargar Jónsdóttur og framkvæmdastjóra, Sveins Sigurmundssonar kom m.a. fram að störf síðastliðins árs mótuðust að töluverðu leyti af þeirri efnahagslegu kreppu sem íslenskt samfélag hefur búið við. Þá fjölluðu þau um þær aðgerðir sem ráðist var í af hálfu Búnaðarsambandsins og annarra aðila í kjölfar eldgossins í Eyjafjallajökli.

Í kjölfar eldgossins í Eyjafjallajökli ákváðu norsku bændasamtökin í samvinnu við ýmis fyritæki í landbúnaði þar í landi að hrinda af stað fjársöfnun fyrir bændur á gossvæðinu. Á fundi NBC, samtaka bænda á Norðurlöndunum, var tilkynnt að safnast hefðu 406 þúsund norskar krónur í söfnuninni sem jafngildir rúmlega 7,7 milljónum íslenskra króna. Það var Nils T. Bjørke, formaður Norges bondelag, sem afhenti Eiríki Blöndal framkvæmdastjóra BÍ og Ernu Bjarnadóttur hagfræðingi samtakanna hina veglegu peningagjöf. Hann sagði við það tilefni að norskir bændur hefðu alltaf átt gott samstarf við stéttarsystkin hér á landi og það hefði því ekki verið erfitt að sameina norska bændur um að láta fé af hendi rakna í söfnunina.

Sláturfélag Suðurlands gaf í gær út nýja verðskrá. Helstu breytingar eru að verð hækkar í vikum 40-42 og þrepum í verðskrá er fjölgað úr fimm í sjö. Við bedum sauðfjárbændum á að búið er að taka þessar breytingar inn í verðsamanburð LS á www.saudfe.is.

Dagana 11.-12. ágúst sl. voru tekin gróðursýni í Skaftártungum, Álftaveri, Mýrdal, undir Eyjafjöllum, Landeyjum og Fljótshlíð. Alls voru þetta 11 sýni; 7 sýni voru af fyrsta endurvexti frá Butru, Hlíð, Giljar, Hraungerði, Ytri-Ásar, Efsta-Grund og Núpur, 2 af öðrum endurvexti, frá Voðmúlastöðum og Þorvaldseyri og 2 af óslegnum túnum frá Sólheimahjáleigu og Raufarfelli.
Niðurstöður mælinganna má sjá í töflu hér fyrir neðan:

Fimm af sjö sláturleyfishöfum hafa gert breytingar á verðskrám sínum á síðustu dögum. Í flestum tilfellum snúast breytingarnar um að dregið er úr verðmun milli vikna en sauðfjárbændur hafa lýst verulegri óánægju með hversu mikill munur er á verðum eftir tímabilum. Meðal annars ályktaði stjórn Landssamtaka sauðfjárbænda (LS) 24. ágúst síðastliðinn þar sem verðstefnu sláturleyfishafa var mótmælt.
Eitthvað hafa sláturleyfishafar því tekið gagnrýnina til sín en hins vegar er það almenn skoðun bænda að allt of skammt sé gengið í leiðréttingu á verðmuni milli tímabila. Þá er ljóst að vegið meðalverð hefur sáralítið hækkað frá fyrra ári. Vegin afurðaverðshækkun nú sé 1,3 prósent en vanti 15,3 prósent til viðbótar til að ná viðmiðunarverði sem LS hafa gefið út.

Sláturfélag Suðurlands hefur ákveðið að hækka tvo flokka kindakjöts frá þeirri verðskrá sem er í nýlegu fréttabréfi félagsins. Grunnverð á dilkaflokki R2 er hækkað um 10 kr/kg og er þar með það sama og SKVH/KS greiðir. Jafnframt er grunnverð á ærkjötsflokki FR3, sem megnið að ám flokkast í, hækkað um 9 kr/kg og greiðir SS þar með sama meðalverð fyrir kjöt af fullorðnu og SKVH/KS.

Þorsteinn Ólafsson dýralæknir nautgripa- og sauðfjársjúkdóma hjá Matvælastofnun hefur tekið saman stuttar leiðbeiningar um hvað helst ber að varast og hvernig best er að bera sig að til að allir, dýr og menn, komi heilir heim. Leiðbeiningar Þorsteins fara hér á eftir:

Útgjöld til landbúnaðarmála verða að lækka á næsta ári eins og aðrir útgjaldaliðir ríkisins, að sögn Steingríms J. Sigfússonar fjármálaráðherra. Bændur standa því frammi fyrir 9% lækkun en beingreiðslur til þeirra eru stærsti liðurinn.
Bændasamtökin hafa mótmælt þessari skerðingu. Ríkið hafi gert samning við bændur á síðasta ári og við hann verði að standa. Í þessu sambandi má einnig nefna að 1. júlí s.l. hætti ríkið að greiða 8% mótframlag í Lífeyrissjóð bænda sem er bein tekjuskerðing hjá bændum.

Í kjölfar eldgossins í Eyjafjallajökli sl. vor var allmargt fé flutt í sumarhaga frá þeim svæðum sem verst urðu út í öskufallinu, undan Eyjafjöllum og úr vesturhluta Mýrdals. Flest féð var flutt á vegum Búnaðarsambands Suðurlands austur yfir Kúðafljót, í Meðalland og á Síðuna. Næstkomandi fimmtudag 26. ágúst verður svokölluð Leiðvallagirðing í Meðallandi smöluð, undir stjórn Hermanns Árnasonar starfsmanns Búnaðarsambands Suðurlands.

Dagana 11.-12. ágúst sl. voru tekin gróðursýni í Skaftártungum, Álftaveri, Mýrdal, undir Eyjafjöllum, Landeyjum og Fljótshlíð. Alls voru þetta 11 sýni; 7 sýni voru af fyrsta endurvexti, 2 af öðrum endurvexti og 2 af óslegnum túnum. Niðurstöðurnar eru á bilinu 2,61 – 5,63 mg flúors í kg. Viðmiðunarmörk fyrir sauðfé eru 70-100 mg í kg og fyrir nautgripi og hross 25-30 mg í kg.