Dagana 9. – 10. nóvember nk. verður Unnsteinn Snorri Snorrason hjá okkur á Búnaðarsambandi Suðurlands. Unnsteinn er landsráðunautur í bútækni og veitir meðal annars alhliða ráðgjöf um skipulag og hönnun landbúnaðarbygginga. Þeir bændur sem eru að velta fyrir sér t.d. vinnuhagræðingu, loftræstingu, breytingar og öðru tengdu landbúnaðarbyggingum og óska eftir að fá Unnstein í heimsókn geta panta tíma hjá Margréti í síma 480-1809 eða sent tölvupóst á margret@bssl.is .

Fyrsti haustfundur LK var haldinn að þessu sinni að Þingborg í Flóahreppi fimmtudagskvöldið 14.október. Á fundinn mættu auk stjórnarmanna LK fjöldi kúabænda á Suðurlandi auk þess voru á fundinum nokkrir fulltrúar úr mjólkuriðnaðinum og tveir Alþingismenn.
Athygli vakti fjarvera sjávarútvegs- og landbúnaðarráðherra, Jóns Bjarnasonar en honum hafði verið boðið sérstaklega á fundinn en mætti ekki og boðaði ekki forföll.

Við minnum á að haustfundir Landssambands kúabænda hefjast í kvöld (fimmtudaginn 14. okt.)með fundi Þingborg í Flóa kl. 20.30. Sérstakur gestur fundarins er Jón Bjarnason, ráðherra landbúnaðarmála.

Auðhumla svf. hefur sent frá sér tilkynningu þess efnis að verð á umframmjólk verður hækkað á fjórða ársfjórðungi þessa árs. Tilkynningin fer hér á eftir:
„Verð á mjólkurafurðum á heimsmarkaði hefur hækkað undanfarin misseri og það hefur endurspeglast í tekjum Mjólkursamsölunnar. Þetta á einkum við um smjörmarkað. Á sama tíma hefur meðal gengi bandaríkjadollars gagnvart krónu lækkað um 12%. Gengi evru hefur einnig lækkað gagnvart krónu og þetta hefur neikvæð áhrif á útflutningstekjurnar.

Stórátak er að fara af stað í flokkun á ull í næsta mánuði þar sem Ullarmatsnefnd og Landssamtök sauðfjárbænda í samvinnu við Endurmenntun Landbúnaðarháskóla Íslands standa fyrir námskeiðum í ullarflokkun víðsvegar um land.
Námskeiðin verða haldin í fjárhúsum hjá bændum þar sem rúið verður og ullin flokkuð jafnóðum. Auk þess verður farið yfir reglur um ullarflokkun og sýndar myndir til skýringar.

Þeir bændur og sauðfjárræktendur sem skrá dóma á lömbum sínum sjálfir í fjarvis.is eru beðnir að hraða þeirri vinnu sem nokkur kostur er. Sérstaklega er mikilvægt að dómar á lambhrútum verði skráðir hið fyrsta og sé lokið í síðasta 20. október n.k.  Þá er og mjög brýnt að þeir sem hyggjast mæta með hrúta á Dag sauðkindarinnar á Hvolsvelli þann 16. okt. n.k. hafi lokið skráningum í síðasta lagi fimmtudaginn 14. okt. n.k.

Haustfundur Hrossaræktarsamtaka Suðurlands verður haldinn í félagsheimili Hestamannafélagsins Sleipnis, Hliðskjálf þriðjudaginn 19. október nk. kl. 20:00. Guðlaugur Antonsson hrossaræktarráðunautur Bændasamtaka Íslands verður með framsögu á fundinum. Einnig munu Hulda Gústafsdóttir og Gunnar Arnarson upplýsa menn um horfur á útflutningi hrossa í haust.

Á haustin er rétti tíminn fyrir bændur að taka jarðvegssýni úr túnum og ökrum og senda til efnagreiningar. Niðurstöður jarðvegsefnagreininga gefa góðar upplýsingar um sýrustig jarðvegs og steinefnainnihald sem eru mikilvægar forsendur fyrir áburðaráætlun komandi sumars. Hins vegar er betra að taka heysýni til að meta fosfór (P) og kalí (K) því þá sjáum við hvað plantan er að taka upp í raun. Hægt er að fá sérstakan heysýnabor hjá Búnaðarsambandi Suðurlands til þessa verks.
Búnaðarsamband Suðurlands hvetur bændur í ákveðnum búnaðarfélögum á sambandssvæðinu til að taka jarðvegssýni en að sjálfsögðu er bændum og öðrum landeigendum frjálst að taka jarðvegssýni þess utan.

Nú ætlum við að sýna samstöðu með heilbrigðisstofnunum á Suðurlandi vegna niðurskurðar á fjárframlögum ríkisins á næsta ári sem hefur þau áhrif að sjúkrahúsin á Suðurlandi verða lögð niður.
Til að mótmæla þessu verður samstöðufundur úti við Hótel Selfoss ármegin, mánudaginn 11. október kl. 17-19.
Inn í hótelinu verður á sama tíma fundur Sunnlenskra sveitastjórnamanna með heilbrigðisráðherra, þingmönnum og forsvarsmönnum heilbrigðistofnana á Suðurlandi.
Mætum ÖLL og látum í okkur HEYRA

Búið er að uppfæra allt kynbótmat fyrir alla nautgripi í Huppu eins og fram hefur komið. Þá er búið að uppfæra reynd naut í notkun á www.nautaskra.net með nýju kynbótmati en eins og við sögðum frá um daginn koma ellefu naut úr árgangi 2004 til notkunar á næstu dögum.
Þá hefur listi yfir nautsfeður til notkunar næstu mánuði verið uppfærður en þar koma þrjú naut úr 2004 árgangnum inn.

Við minnum á námskeið Endurmenntunardeildar LbhÍ í jarðræktarforitinu jörð.is þar sem fjallað verður um það hvernig bændur geta nýtt sér það til að halda utan um jarðræktarsögu búsins. Jörð.is. Námskeiðið er haldið í samstarfi við Bændasamtök Íslands, Búnaðarsamband Suðurlands og Búnaðarsamband Húnaþings og Stranda.
Hér á Suðurlandi verða haldin tvö námskeið, þann 15. október á Hellu og 29. október á Höfn.

Líkt og fyrri ár mun Landssamband kúabænda standa fyrir röð haustfunda á vegum samtakanna. Fyrsti fundurinn verður haldinn fimmtudaginn 14. október í Þingborg í Flóa kl. 20.30. Sérstakur gestur fundarins er Jón Bjarnason, ráðherra landbúnaðarmála.

Fóðurblandan hefur nú tekið upp þá nýjung að bjóða upp á heimsendingarþjónustu fyrir rekstrarvörur. Um er að ræða rekstrarvörur eins og vörur frá DeLaval, hreinlætisvörur, saltsteina, bætiefni, kálfamjólk, vítamín og steinefni, svo fátt eitt sé nefnt.
Hægt er að hringja eða senda tölvupóst og vörurnar eru síðan sendar með fóðurbílnum þegar hann kemur til þín næst.

Samkvæmt frumvarpi til fjárlaga er um verulegan niðurskurð að ræða á ýmsum framlögum til landbúnaðarins. Helst ber þar að nefna mikinn niðurskurð á framlögum sem falla innan svokallaðs búnaðarlagasamnings. Er þar um að ræða framlög til Bændasamtaka Íslands og til Framleiðnisjóðs landbúnaðarins. Framlög til Bændasamtakanna eru þannig skorin niður um 144,6 milljónir króna frá yfirstandandi ári. Þar af er skorið niður um 94,6 milljónir í ráðgjafaþjónustu og búfjárrækt en um 50 milljónir í þróunarverkefnum og markaðsverkefnum. Heildarframlög til Bændasamtakanna verða þannig 394 milljónir króna ef frumvarpið nær fram að ganga en eru 468,6 milljónir króna á yfirstandandi ári.

Komnar eru niðurstöður úr verkuðum heysýnum á gossvæðinu á vefinn hjá okkur. Þann 8. júní 2010 voru nokkrir bæir á áhrifasvæði eldgossins heimsóttir og tekin gróðursýni til steinefnamælinga. Í byrjun september var svo farið á flesta þessa bæi aftur og verkuð heysýni tekin til að skoða hvernig til hefði tekist við heyöflun m.t.t. öskumengunar. Tekin voru 1-5 verkuð heysýni frá hverjum bæ og þeim blandað saman í eitt safnsýni en athugunin gekk út á að taka sýni sem myndu lýsa heildar heyforða búsins sem nota á til að fóðra skepnur nú í vetur.

Samkvæmt nýjum útreikningum frá Ágústi Sigurðssyni, kynbótafræðingi, eru verulegar erfðaframfarir í íslenska kúastofninum. Ef litið er til árabilsins 2000-2009 eru framfarir rúmlega 1,1 kg próteins á ári. Þetta er sambærilegt við það sem gerist í Noregi. Ef horft er á framfarir í mjólkurafköstum þá eru þær ríflega 32 kg á ári að jafnaði á þessu sama tímabili.

Í gær fundaði Ræktunarhópur Fagráðs í nautgriparækt. Þar var m.a. farið yfir nýtt kynbótamat og tekin ákvörðun um hvaða naut verða í dreifingu á næstu mánuðum. Ákveðið var að setja í dreifingu 11 ný naut úr 2004 árgangnum. Þannig koma þeir Stássi 04024, Stíll 04041 og Ári 04043 til dreinfgar sem nautsfeður. Önnur naut sem koma til dreifingar úr þessum árgangi eru; Grikkur 04004, Þinur 04006, Salómon 04009, Hlaupari 04010, Þrumari 04015, Hjálmur 04016, Rauður 04021 og Jaki 04044. Dreifing úr þessum nautum mun hefjast á næstu vikum.

Dagana 16.-17. september síðastliðinn fóru tveir ráðnautar frá BSSL á vinnufund til Noregs að ræða nýja fóðurmatskerfið NorFor. Ætlunin er að bjóða bændum upp á fría fóðurætlun þennan veturinn meðan ráðnautar og bændur eru að læra á nýtt kerfi. Reynsla þeirra þjóða sem nú nota NorFor-kerfið (Danir, Norðmenn og Svíar) er sú að fóðrun verður bæði markvissari og spara má verulegar fjárhæðir.

Á vegum Matvælastofnunar hefur verið fylgst með áhrifum eldgossins í Eyjafjallajökli á heilsufar búfjár frá því gosið hófst og verður eftirliti og rannsóknum haldið áfram í haust.
Á yfirstandandi sláturtíð verða tekin sýni úr samtals 60 lömbum frá tólf bæjum og 9 hrossum frá þremur bæjum á áhrifasvæði eldgossins í Eyjafjallajökli. Lungu verða skoðuð á Tilraunastöðinni á Keldum með tilliti til stór- og smásærra breytinga, tennur m.t.t. breytinga í glerungi og flúor verður mælt í kjálkabeinum. Einnig verða tekin lifrar- og mjólkursýni til mælinga á kadmíum, kvikasilfri, blýi og flúor. Viðmiðunarsýni verða tekin úr lömbum og hrossum frá bæjum á Norðurlandi.

Við minnum á að umsóknarfrestur styrkja vegna jarðabóta og þróunarverkefna rennur út í þessari viku, þ.e. fimmtudaginn 30. september n.k.
Eftirfarandi styrki er hægt að sækja um núna:
– Endurræktun vegna aðlögunar að lífrænum búskap
– Viðhald framræslu lands vegna ræktunar
– Kölkun túna
– Jarðrækt (korn-, tún- og grænfóðurrækt)