Nýja T7000 dráttarvéla línan frá New Holland hlaut þann virta heiður að vera valin “Dráttarvél ársins 2008” á Agritechnica landbúnaðarsýningunni sem nú fer fram í Hannover í þýskalandi, Gullverðlaunin fyrir hönnun “Golden Tractor for Design” komu einnig í hlut þessara véla frá New Holland fyrir hönnun og fyrir að setja nýja staðla hvað varðar afköst og þægindi sem er að finna í T7000 dráttarvéla línuni og má með sanni segja að T7000 hafi unnið stórsigur.

Erlend lántaka heimilanna í landinu hefur færst gríðarlega í vöxt á undanförnum þremur árum og var í september komin í 108 milljarða króna en aukningin á fyrstu níu mánuðum ársins nam 57,6%. Af þessum 108 milljörðum fóru 25,2 milljarðar til íbúðalána. Skýringin á áhuga heimilanna á erlendum lánum er einföld: þessi lán bera lægri vexti en innlendu lánin.

Einar K. Guðfinnsson, landbúnaðarráðherra, sagði á Alþingi í dag, að eftirspurn væri eftir bújörðum, lögbýlum í ábúð væri að fjölga gagnstætt því sem áður var og eignamyndun ætti sér stað í sveitum landsins. Sagði hann fá dæmi um jarðasöfnun á landsbyggðinni.

Eitt helsta átak Íslendinga til að varðveita og auka verðmæti íslenskrar náttúru er starf  Sandgræðslunnar og arftaka hennar, Landgræðslunnar, í hundrað ár að stöðva landeyðingu og græða land. Með þessu átaki hefur ein mikilvægasta auðlind jarðar, gróðurmold, aukist verulega hér á landi. Önnur starfsemi, sem einnig eykur þjóðarauðinn, er skógræktin sem hefur fengið byr í seglin á seinustu árum. Hvor tveggja þessi starfsemi hefur færst að töluverðu leyti úr því horfi að vera opinber starfsemi í að vera verkefni bænda, þ.e. eiginlegur landbúnaður, „bændur græða landið“ og bændaskógar.Verðmæti þessara auðlinda er ekki auðvelt að meta. Þær eru varasjóður sem er tiltækur í framtíðinni þegar þeirra verður þörf.

Fet var valið ræktunarbú ársins 2007 en tilkynnt var um valið á uppskeruhátíð hestamannna sem haldin var á Broadway í gær. Óhætt er að segja er að búið á Feti sé vel að þessum verðlaunum komið. Þetta var í þriðja sinn sem Fet hlýtur nafnbótina ræktunarbú ársins en 1998 og 2004 hampaði búið henni. Á Feti rekur Karl Wernersson hrossabú og tamningastöð í samvinnu við Brynjar Vilmundarson, fyrrum eiganda búsins, en sem kunnugt er skipti búið um hendur fyrr á þessu ári.

Félag hrossabænda heiðraði Guðna Ágústsson, fyrrverandi landbúnaðarráðherra, fyrir vel unnin störf fyrir hestamenn í landinu þann tíma sem hann var landbúnaðarráðherra. Á fundi sínum í dag færði stjórn félagsins Guðna málverk að gjöf og er þar um að ræða mynd af honum með tvo til reiðar. Myndin af Guðna er góð en hann sagði hestana minna sig á hest sem hann steig á bak á í Mongólíu um árið.

Notkun á klaufskurðarbási Kynbótastöðvar Suðurlands verður sýnd á Tilraunabúinu Stóra-Ármóti á morgun, föstudaginn 9. nóvember n.k. frá kl. 13-16. Ástæða er til að hvetja bændur og aðra áhugasama um að kynna sér klaufskurðinn því það er viðurkennd staðreynd að illa hirtar klaufir og fótamein hafa verulega neikvæð áhrif á líðan kúa og þar með nyt og frjósemi.

Þann 3.nóvember s.l. afhenti framkvæmdastjóri Fiat Group, Sergio Marchionne, Benedikt XVI páfa lykla að einstakri dráttarvél sem New Holland gefur páfanum, en fyrirtækið er í eigu Fiat Group sem er jafnframt markaðsleiðandi framleiðandi í landbúnaðargeiranum.

Ríkharð Brynjólfsson, prófessor við LBHÍ mun halda námskeið um áburð og áburðarnotkun á Stóra-Ármóti þriðjudaginn 13. nóv. frá kl. 10.00 – 16:30 ef næg þátttaka fæst. Síðasti skráningardagur er miðvikudagurinn 7. nóvember!

Ástæða er til að hvetja bændur, áburðarsala og aðra áhugasama um að sækja þetta þarfa námskeið.

Í tilefni eitt hundrað ára sögu landgræðslu á Íslandi var haldið málþing á Hólum þar sem Sveinn Runólfsson landgræðslustjóri fjallaði um upphaf sandgræðslu hérlendis og þá frumkvöðla sem stóðu að því starfi.

Í upphafi fundar var undirritaður samstarfssamningur milli Landgræðslu Íslands og Hólaskóla, um héraðsmiðstöð landgræðslunnar á Norðvesturlandi. Sagði Skúli Skúlason, rektor Hólaskóla, að hér með væri formfest ágætt samstarf skólans og Landgræðslunnar, sem vissulega hefði áður verið komið á með handsali, en nú formlega staðfest.

Guðný Helga Björnsdóttir, varaþingm., hefur lagt fram eftirfarandi fyrirspurn á Alþingi til umhverfisráðherra um tillögur refanefndar og endurgreiðslu á kostnaði við veiðar á ref og mink:

Meistaravörn Sigurðar Þórs Guðmundssonar fer fram í Ásgarði, í Ársal á 3. hæð, á Hvanneyri, miðvikudaginn 7. nóvember 2007, kl. 15.00.

Verkefni Sigurðar er á sviði búvísinda og nefnist „Fosfór í íslenskri landbúnaðarjörð” eða Phosphorus in Icelandic agricultural soils.

Á aðalfundi LK árið 2006 var samþykkt ályktun þess efnis að skora á Landbúnaðarstofnun „að birta ætið upplýsingar um þær áburðar- og fóðurtegundir sem ekki standast kröfur hennar og upplýsa hvernig þeim er ráðstafað“.  Tillögunni fylgdi greinargerð þar sem vísað var til þess að á heimasíðu Aðfangaeftirlitsins kæmi fram að 8 af 31 sýni sem tekin voru 2004 stæðust ekki kröfur sem og 10 af 45 sýnum sem tekin voru árið 2005. Engar frekari upplýsingnar komu fram um hvaða áburðartegundir þetta væru eða frá hvaða innflutningsaðilum.

Aðalfundur BSSL 2006 tók undir tillögu LK nokkrum dögum síðar var tillagan samþykkt samhljóða á báðum stöðum.

Sigurður Karlsson og Árni Jóhannsson, upphafsmenn hestamannafélagsins Geysis, tóku fyrstu skóflustunguna að reiðhöll á Gaddstaðaflötum. Ef allt gengur eftir verður ein stærsta reiðhöll landsins vígð þar næsta sumar.

Birkir J. Jónsson, alþm., hefur lagt fram eftirfarandi fyrirspurn á Alþingi til landbúnaðarráðherra um eignarhald á jörðum:

Í dag voru afhent verðlaun fyrir bestu ljósmyndirnar í ljósmyndakeppni BSSL og TRS 2007. Fyrstu verðlaun hlaut Jóhanna S. Hannesdóttir í Stóru-Sandvík fyrir myndina „Skuggaleg Skjalda“. Í öðru sæti lenti Magnús Hlynur Hreiðarsson á Selfossi og í þriðja sæti Jónas Erlendsson í Fagradal.

Í fyrradag var felld kýr úr Hleiðargarði í Eyjafjarðarsveit í sláturhúsi Norðlenska á Akureyri, sem ekki er í frásögur færandi nema fyrir það að skrokkurinn reyndist vera sá þyngsti sem sögur fara af hjá Norðlenska – hvorki meira né minna en 526 kg! Þegar skrokkurinn var færður á vigtina í Norðlenska í gær þurftu menn að nudda augun til þess að fullvissa sig um að talan væri rétt. En ekki var um að villast – vel yfir hálft tonn!

Stjórn Bændasamtaka Íslands hefur ráðið Eirík Blöndal sem framkvæmdastjóra samtakanna frá og með 1. janúar nk. Eiríkur hefur gegnt starfi framkvæmdastjóra Búnaðarsamtaka Vesturlands frá árinu 2001. Sigurgeir Þorgeirsson lætur af starfi framkvæmdastjóra BÍ á sama tíma en hann var nýlega skipaður ráðuneytisstjóri sameinaðs ráðuneytis landbúnaðar og sjávarútvegs.

Guðjón Ragnar Jónasson kennari og fyrrum bóndi hefur sent frá sér nýja barnabók sem ber nafnið „Með hetjur á heilanum“.  Bókin gerist í Fljótshlíðinni þar sem að Guðjón var bóndi um skeið.

Fjölmennur hópur fólks sem búsett er í sveitum Suðurlands og við Húnaflóa hefur undanfarna mánuði verið þátttakendur í verkefninu „Vaxtarsprotum“. Þátttakendur vinna allir að ákveðnum viðfangsefnum sem lúta að atvinnusköpun í sveitum. Um er að ræða fjölbreytt viðfangsefni á sviði iðnaðar, ferðaþjónustu og annarrar þjónustu.