Niðurstöður úr skýrsluhaldi sauðfjárræktarinnar fyrir árið 2009 eru komnar á vefinn hjá okkur. Um er að ræða afurðatölur, kjötgæðatölur og lista yfir afurðahæstu búin og bú með bestu flokkun með tilliti til kjötgæða í fyrra. Smellið hér til að skoða niðurstöðurnar.

Í gærkvöldi hófst afgreiðsla mála á aðalfundi Landssamtaka sauðfjárbænda en fundurinn hófst kl. 10.00 í gærmorgun. Þá voru afgreidd 17 mál m.a. um ESB, varnarlínur, sameiningu ráðuneyta og margt fleira.
Fundurinn stendur til kl. 12.00 en eftir hádegi hefst málþing í tilefni af 25 ára afmæli samtakanna. Dagskrá og önnur gögn vegna aðlfundarins er að finna á vefsíðu LS, www.saudfe.is.
Hér fyrir neðan má lesa samþykktir gærdagsins:

Námskeiðið Orkubóndinn verður haldið í Ásgarði hjá Landbúnaðarháskóla Íslands á Hvanneyri 13. og 14. apríl næstkomandi en á námskeiðinu getur áhugafólk um virkjun orku kynnt sér smávirkjanir af ýmsu tagi og fengið ráð um hvernig hægt er að beisla orkuna heima fyrir. Orkubóndinn hefur verið haldinn á sjö stöðum í vetur og hafa 650 þátttakendur sótt námskeiðið. Lögð er áhersla á að gera efnið skemmtilegt og aðgengilegt öllum og er námskeiðsgjaldið einungis 3000 krónur.

Á morgun, fimmtudaginn 8. apríl verða samtök lánþega í landbúnaði stofnuð á Hótel Hvolsvelli. Markmið samtakanna er að berjast fyrir réttlátum skuldbreytingum hjá lántakendum, þannig að lántakendur geti eftirleiðis staðið í skilum. Einnig að berjast fyrir því að fjölskyldur geti áfram stundað búskap.

Í tilefni af 25 ára afmæli Landssamtaka sauðfjárbænda efna samtökin til málþings um sauðfjárrækt næst komandi föstudag, 9. apríl. Málþingið verður haldið á Hótel Sögu, nánar tiltekið í ráðstefnusalnum Stanford. Þingið hefst kl 13.00 og er áætlað að það standi til kl. 17.00.
Dagskrá þingsins er eftirfarandi:

Í febrúar og mars s.l. hófst sala á háhraðanettengingum í Hornafirði, Skaftárhreppi og Mýrdalshreppi. Stefnt er að því að hefja sölu á tengingum í síðasta áfanga háhraðanetsverkefnis fjarskiptasjóðs í ágúst næstkomandi í stað desember eins og áður var áætlað, að sögn samgöngu- og sveitarstjórnarráðuneytisins. Samkvæmt áætlun um framvindu verkefnisins er fyrirhugað að sala á háhraðanettengingum hefjist í maí n.k. á þeim svæðum/bæjum hér sunnanlands sem ekki eiga nú þegar kost á slíkum tengingum. Um er að ræða svæði/bæi í Ásahreppi, Rangárþingi eystra og ytra, Bláskógabyggð, Grímsnes- og Grafningshr., Hrunamannahr., Skeiða- og Gnúpverjahr. og Ölfusi.

Stjórn Samtaka ungra bænda fagnar mjög ályktun frá aðalfundi LK sem lýtur að því að koma á sameiginlegum tilboðsmarkaði fyrir viðskipti með greiðslumark í mjólk ekki síðar en kvótaárið 2011. Það gríðarlega háa verð sem verið hefur á greiðslumarki hefur verið greininni dýrt auk þess sem það hefur hamlað mjög nýliðun í greininni. Einnig er mjög mikilvægt að allt greiðslumark komi á markað nú þegar að mikil hætta er á að bankastofnanir eignist bú skuldsettra bænda og geti farið að ráðstafa greiðslumarki útúr bönkunum líkt og öðrum eignum án auglýsingar eins og dæmin sanna.

Sláturfélag Suðurlands hefur lækkaði verð á svínakjöti til bænda um 8% í gær. Þann 8. feb. s.l. hafði verðið hækkað um 9% en nú er sú hækkun tekin til baka og verðið orðið það sama og það var frá 6. júlí í fyrra. Þannig er verð á Grís IA til bænda nú 280 kr/kg. Ástæður lækkunarinnar eru gríðarlegt offramboð á svínakjöti og stöðug undirboð á markaði að sögn Sláturfélagsins. Allt eins má búast við frekari verðlækkunum á næstunni.

Landssamband kúabænda (LK) vill að öll viðskipti með greiðslumark í mjólk fari fram á sameiginlegum uppboðsmarkaði og jafnframt verði íhugað að setja takmörk við því hversu mikið greiðslumark geti verið í eigu sama aðila. Þetta er meðal þess sem ályktað var um á aðalfundi LK sem haldin var dagana 26. og 27. mars síðastliðna.
Jón Bjarnason sjávarútvegs- og landbúnaðarráðherra ávarpaði fundinn og komu fram í máli hans hugmyndir af sama meiði. Lýsti ráðherra verulegum áhyggjum sínum af stöðu fjölda kúabænda í því erfiða efnahagsástandi sem nú ríkir.

Svínabændur óttast mjög um rekstur búa sinna næstu misserin. Framleiðslan er of mikil en þeir mega ekki bindast samtökum um að draga úr framleiðslu. Til að jöfnuður komist á markað með svínakjöt þyrfti Arion banki að leggja niður annað af tveimur svínabúum sem bankinn hefur yfirtekið. Þetta segir Steinþór Skúlason, forstjóri Sláturfélags Suðurlands. Mikið tap er núna á rekstri svínabúa í landinu.

Fræðslufundir sauðfjárræktarinnar verða haldnir dagana 30. og 31. mars n.k. Fundirnir verða í gegnum fjarfundarbúnað og verður fundað saman í Árnes- og Rangárvallasýslum og í A- og V-Skaftafellssýslum.
Efni fundanna verður með líku sniði og undanfarin ár. Farið verður yfir niðurstöður skýrsluhaldsins árið 2009, veturgamlir hrútar verðlaunaðir fyrir sláturlömb og að þessu sinni verður Guðjón Kristinsson í Ístex gestafyrirlesari. Guðjón mun fara yfir rekstur Ístex og ullarmatskerfið. Léttar veitingar verða í boði á fundunum.

Aðalfundi Landssambands kúabænda lauk á sjötta tímanum í gær. Á fundinum voru samþykktar samtals 17 ályktanir og m.a. harðorð ályktun vegna seinagangs lánastofnana við úrlausnir á skuldavanda kúabænda, sem og vegna þeirra úrlausna bankanna að yfirtaka rekstur búa og reka í samkeppni við bændur eins og það er orðað í ályktuninni. Þá lýsti fundurinn yfir þungum áhyggjum af afkomu nautakjötsframleiðslunnar, en á undanförnum árum hafa dunið yfir hana gríðarlegar kostnaðarhækkanir og verð til framleiðenda staðið í stað. Knýjandi er að bæta hagkvæmni framleiðslunnar og í því sambandi hvatti fundurinn m.a. sjávarútvegs- og landbúnaðarráðherra að beita sér fyrir því að mögulegt verði að flytja inn holdanautasæði frá viðurkenndum einangrunarstöðum erlendis í þeim tilgangi.

Á s.l. ári voru teknir út 11.907 ha. á landinu öllu vegna greiðslu framlaga út á kornrækt, grasrækt og grænfóðurrækt. Kornræktin er mest að umfangi eða 4.765 ha., grænfóðurræktin litlu minni eða 4.118 ha. og grasræktin nam 3.024 ha. Af einstökum sýslum er umfang jarðræktar sýnu mest í Rangárvallasýslu þar sem kornrækt nam 1.173 ha., grasrækt 581 ha. og grænfóðurrækt 565 ha. Rangárvallasýsla er þannig í heild með 2.319 ha. eða 19,5% af allri korn-, gras- og grænfóðurrækt landsins.
Í eftirfarandi töflu má sjá umfangið á Suðurlandi á síðasta ári eftir sýslum.

Aðalfundur Landssambands kúabænda var settur í morgun á Hótel Sögu í Reykjavík. Í setningarræðu sinni við upphaf aðalfundar Landssambands kúabænda ræddi Sigurður Loftsson formaður, um skuldastöðu kúabænda í kjölfar bankahrunsins. „Það hefur verið skilyrðislaus krafa Landssambands kúabænda í þessu efni, að öll þau bú sem voru rekstrarhæf fyrir hrun verði það áfram. Undir þessu liggur krafa um að leiðréttur verði eftir því sem aðstæður leyfa sá forsendubrestur sem þarna varð“. Formaður kom einnig inn á í ræðu sinni að mikilvægt væri að jafnræðis verði gætt við úrlausn þessara mála, „miklu skiptir við aðstæður eins og nú að viðhalda trú þeirra, sem þennan rekstur stunda, á framtíðina.

Þórarinn kornbóndi Ólafsson í Drangshlíð 2 undir Eyjafjöllum vinnur nú að verkefni sem hann kallar Frá akri í glas. Eftir kornvertíðina í haust sl. snéri hann sér að möltun á bygginu sínu og bruggtilraunum. Nú hefur það verkefni verið fullkomnað og blaðamaður varð þess heiðurs aðnjótandi fyrir skemmstu að fá að bragða á ölafurðum Drangshlíðarbúsins.

Jarðvísindastofnun Háskólans hefur nú mælt flúor og sýrsustig í ösku frá eldstöðinni á Fimmvöruhálsi. Sýnin voru tekin úr glerjuðu gjalli frá eldstöðinni og snjó undir Eyjafjöllum. Mæligildi vatnsleysanlegs flúors í sýnunum voru á bilinu 98-112 mg/kg og sýrustigið pH 5,55-6,45.
Sýnin eru gróf aska og gera verður ráð fyrir að flúorgildi séu hærri fjær eldfjallinu þar sem askan er fíngerðari og yfirborð hennar stærra.
Hugsanlegt er að gildin væru allt að 400-500 mg/kg á Mið-Suðurlandi.

Í kvöld verða tveir fundir sem rétt er að minna á. Kl. 20.00 verður aðalfundur Hrossaræktarsamtaka Suðurlands í Hliðskjálf, félagsheimili hestamannafélagsins Sleipnis á Selfossi. Á dagskrá fundarins eru venjuleg aðalfundarstörf.
Kl. 20.30 hefst svo aðalfundur Félags sauðfjárbænda í Rangárvallasýslu. Sá fundur verður haldinn í Björkinni á Hvolsvelli.

Á tíunda áratug síðustu aldar komu upp tilfelli kúariðu og díoxínmengunar í matvælum í Evrópu. Orsök þessa var rakin til fóðurs og því þótti ástæða til að breyta matvælalöggjöfinni þannig að hún næði yfir allt matvælaferlið, frá fóðri og frumframleiðslu að matborði neytenda og tryggði þannig örugg matvæli.
Matvælalöggjöfin nýja um öryggi matvæla og fóðurs felur í sér útvíkkun á því hvað „fóðurfyrirtæki“ merkir. Samkvæmt henni eru hefðbundin íslensk bændabýli skilgreind sem fóðurfyrirtæki. Reglugerð um fóður nær því yfir öflun, flutning, geymslu og meðhöndlun bænda á hvers konar fóðri.

Búfjáreigendum á áhrifasvæði eldgosins er bent á að fylgjast grannt með mögulegu öskufalli, t.d. með því að leggja út hvítan disk. Verði vart við öskufall er mikilvægt að hýsa það búfé sem er við opin hús eða á útigangi, sé það mögulegt. Þar sem því verður ekki komið við, er nauðsynlegt að sjá dýrunum fyrir hreinu drykkjarvatni og koma í veg fyrir að búféð drekki úr kyrrstæðu vatni svo sem pollum og skurðum þar sem aska getur safnast fyrir. Nauðsynlegt er að gefa dýrunum vel og oft af heyi, svo þau séu síður á beit. Einnig er gott að búféð hafi aðgang að saltsteinum.

Steinunn Jakobsdóttir jarðeðlisfræðingur á Veðurstofu Íslands, segir hægan stíganda í gosinu á Fimmvörðuhálsi og líklegt er talið að gossprungan hafi nú lengst til norðausturs. Rennsli Krossár jókst skyndilega í morgun og vatnshiti í ánni rauk upp um nokkrar gráður.
Sjónarvottar sögðu í morgun að gossprungan á Fimmvörðuhálsi hefði lengst og að þar hefði sést gufusprenging, sem þýðir að kvikan sem þarna kemur upp, hefur verið að bræða ís eða snjó. Jarðfræðingar á Veðurstofu íslands, sátu á fundi fyrir hádegið til að meta stöðuna.