Mjólkursamsalan íhugar að kæra íslenskan skyrframleiðanda í New York fyrir að selja vöru sína undir nafninu Siggi““s skyr. Samsalan kveðst eiga einkaleyfi á vörumerkinu skyri.
Skyr er framleitt á þremur stöðum í heiminum – eftir því sem best er vitað. Á Íslandi, í Danmörku með einkaleyfi frá Mjólkursamsölunni, og í Bandaríkjunum þar sem íslenskur hagfræðingur, Sigurður Hilmarsson, áhugamaður um hollt mataræði hefur að undanförnu framleitt og selt skyr undir vörumerkinu Siggi’sskyr.

Bændasamtök Íslands skoða nú möguleikann á því að endurtúlka gildandi reglur frá Evrópusambandinu, þannig að hægt verði með hagkvæmari hætti að setja upp lítil sláturhús á bóndabæjum hér á landi. „Í heimaslátrun eru fólgin tækifæri tengd matarferðamennsku, það er alveg klárt,“ segir Árni Jósteinsson, starfsmaður verkefnisins fyrir Íslands hönd.

Verð á útiræktuðu grænmeti hefur haldist nokkuð stöðugt að undanförnu og virðist allt útlit fyrir að svo verði áfram. Margir muna þá tíð að verð á grænmeti var í hæstu hæðum þegar fyrsta uppskeran barst inn á markað um mitt sumar, en lækkaði síðan töluvert þegar fór að líða á uppskerutímann. Eftir því sem blaðamaður kemst næst er sá tími að mestu liðinn. Vissulega verði alltaf einhverjar sveiflur á verði grænmetis eftir árstíðum, en sveiflurnar verði ekki eins miklar og áður þekktist.

Í síðustu viku vöknuðu kartöflubændur í Þykkvabænum og þar í kring upp við vondan draum þar sem næturfrost hafði orðið. Mest af grösunum féll og vöxtur kartaflnanna því lítill eftir það. Þetta er bagalegt fyrir bændur á þessum slóðum.

Hjá Bændasamtökum Íslands hafa orðið nokkrar mannabreytingar undanfarin misseri.

Á Búnaðarsambandi Suðurlands er nú unnið að árlegu yfirliti yfir fjölda og stærð kúabúa á starfssvæðinu. Um verðlagsáramót eru alls 268 fjós í framleiðslu á starfssvæði BSSL en í 9 af þessum fjósum eru tveir greiðslumarkshafar. Greiðslumarkshafar á svæðinu eru því 277 nú um stundir.

Einar Sveinbjörnsson veðurfræðingur heldur úti vinsælli bloggsíðu þar sem hann ritar um sín áhugamál sem einkum eru tengdar veðri. Nýlega ritaði hann áhugaverða grein sem ber ofangreinan titil. Greinin er hér birt orðrétt:

Fram til þess hafa sjálfvirkar mjaltir eingöngu farið fram innandyra en nú er orðin breyting á. SAC, bændurnir Niels Skou og Anni og Brian Madsen ásamt landbúnaðarháskólanum í Árósum í Danmörku hafa þróað mjaltaþjón á hjólum eða farmjaltaþjón. Með þessari uppfinningu má nú færa mjaltaþjóninn milli beitarstykkja og sjálfvirkar mjaltir með beit verða mun auðveldari en áður.

Prófessor Hans-Wilhelm Windhorst hjá háskólanum í Vehcta í Þýskalandi er vísindamaður í hámarksnýtingu landrýmis í landbúnaði og áhrifum landbúnaðar á umhverfið. Prófessorinn var gestafyrirlesari hjá samtökum svínabænda í Danmörku fyrir skömmu. Í fyrirlestri sínum var prófessorinn beinskeyttur og hafa orð hans vakið athygli bæði í Evrópu og í Bandaríkunum.

Þess eru dæmi að bændur hafi ekki fengið greitt fyrir ræktun á hör fyrir fyrirtækið Feygingu í Þorlákshöfn en blikur eru á lofti um að það sé komið endanlega í þrot. Fari svo, standa bændur sem fjárfest hafa í tækjabúnaði fyrir hörræktun, frammi fyrir miklu fjárhagstjóni. Talsmaður Feygingar, Þorleifur Finnsson, segir að búið sé að gera upp við alla bændur að undanskildum þeim sem komu ekki fram með kröfu fyrr en nýverið.

Á miðvikudaginn tók Bjarni Arason, fyrrverandi ráðunautur og forstöðumaður Nautastöðvarinnar á Hvanneyri fyrstu skóflustungu að nýrri nautastöð sem staðsett verður á Hesti í Andakíl. Eftir stutta ræðu Haraldar Benediktssonar, formanns Bændasamtaka Íslands og skóflustungu Bjarna, var viðstöddum boðið til kynningar á teikningum og til kaffidrykkju í húsakynnum Landbúnaðarháskólans á Hvanneyri. Kynningin var í höndum Magnúsar Sigsteinssonar, bygginga- og bútækniráðunautar og naut hann aðstoðar Unnsteins Snorrasonar, sérfræðings hjá Bændasamtökunum.

Héraðsdómur Reykjavíkur hefur dæmt karlmann til þess að greiða 19 ára stúlku nærri tvær milljónir króna í skaðabætur vegna slyss sem hún varð við kúasmölun hjá manninum.

Stöð 2 birti í gærkvöldi frétt undir yfirskriftinni „Bylting í heyskap“. Þar var sýnt frá heyskap á Heiði í Biskupstungum og voru þar að verki verktakarnir Davíð Ingason og Sigurður Ágústsson. Þeir stofnuðu fyrirtæki í vetur sem fjárfesti í stórvirkum vélum, m.a. múgsaxara.

Nú liggja fyrir niðurstöður efnagreininga grassýna sem tekin voru 18. júní sl á fjórum mismunandi stöðum á Suðurlandi. Niðurstöður sýna að grasþroski er lengra á veg kominn en á sama tíma í fyrra.  Meltanleiki á þeim fjórum stöðum sem sýni voru tekin á er kominn niður í 73-75% sem þýðir um 0,84-0,87 FEm í kg þe.

Gríðarlegt sandfok hefur verið meðfram suðurströndinni í dag og lítt sést til fjalla vegna moldarmisturs. Svartir dagar hjá gróðurunnendum og þörf áminning til landsmanna um að stöðva þurfi gróðureyðingu segir Sveinn Runólfsson landgræðslustjóri.

Hrossaræktarsamtök Suðurlands gerðu könnun á viðhorfi félagsmanna til starfseminnar og einstakra viðfangsefna hennar. Markmiðið var að fá félagsmenn til að leggja stjórninni lið við að móta starf og stefnu samtakanna og efla félagið. Könnunin var send út til félagsmanna HS í febrúar 2007.
Birna Baldursdóttir vann úr innsendum svörum og eru helstu niðurstöður þessar:

Nú liggja fyrir fyrstu niðurstöður efnagreininga grassýna sem tekin voru 11. júní sl á fjórum mismunandi stöðum á Suðurlandi. Niðurstöður bera með sér að grasþroski hafi á þeim tíma verið komið ívið lengra á veg en á sama tíma í fyrra. Einkum virðist þetta koma fram á mælingu á próteingildi.

Innvigtun mjólkur á Selfossi í viku 24 var 1.009.818 lítrar sem er 17.446 lítrum minna en í síðustu viku. Miðað við sömu viku í fyrra er innlegg á Selfossi rétt um 65 þús. lítrum eða 6,85% meira sem er hlutfallslega sami munur og milli viku 23 í ár og í fyrra. Samanlagt innlegg verðlagsársins er nú 8,97% meira en á sama tíma á fyrra verðlagsári.
Innvigtun verðlagsársins hér á Selfossi er orðin 38,8 milljónir lítra eða rúmlega 3,2 milljónum lítra meiri en á sama tíma í fyrra.

Síðla maímánaðar hafði holdanautabóndi samband við Landssamband kúabænda og spurðist fyrir um hvort mögulegt væri að meta sláturgripi hjá sér með Europ kjötmati, sem notað er víðast hvar í nágrannalöndunum. Markmiðið með því var að sjá hvar gripirnir hans stæðu í samanburði við erlenda gripi. Var það auðsótt mál og til verksins voru fengnir Stefán Vilhjálmsson kjötmatsmaður og fagsviðsstjóri á Landbúnaðarstofnun og Óli Þór Hilmarsson, kjötiðnaðarmeistari og sérfræðingur í kjötvinnslu og vöruþróun hjá Matís ohf.

Vegna frétta undanfarna daga um að íslensk stjórnvöld vinni að innleiðingu frjáls vöruflæðis milli Íslands og ESB hefur landbúnaðarráðuneytið sent frá sér eftirfarandi fréttatilkynningu:

„Í tilefni af fréttaflutningi um að stjórnvöld vinni nú að því að innleiða frjálst flæði matvöru milli Íslands og Evrópusambandsins vill landbúnaðarráðuneytið taka fram eftirfarandi: