Jón Bjarnason, alþm., hefur lagt fram eftirfarandi fyrirspurn til iðnaðarráðherra um þrífösun rafmagns:

Þuríður Backman, alþm., hefur lagt fram eftirfarandi fyrirspurn til landbúnaðarráðherra um erfðabreytt aðföng í landbúnaði:

Fyrr á þessu ári birti Póst- og fjarskiptastofnun samráðsskjal vegna útnefningar fjarskiptafyrirtækis með alþjónustuskyldur. Alþjónusta snýst um möguleika allra notenda til að hafa aðgang að tiltekinni lágmarksþjónustu eins og hún er skilgreind í lögum um fjarskipti, óháð því hvar þeir búa eða kringumstæðum að öðru leyti, t.d. fjárhagslegum.

Landbúnaðarráðuneytið hefur gefið út áætlun um einföldun regluverks og stjórnsýslu ráðuneytisins sem er liður í aðgerðaráætlun ríkisstjórnarinnar um Einfaldara Ísland. Öll ráðuneytin hafa gefið út slíkar áætlanir í samræmi við samþykkt ríkisstjórnarinnar í október 2006. Meginábyrgð á framkvæmd hennar er á herðum hvers og eins ráðuneytis en forsætisráðherra hefur yfirumsjón með verkefninu og nýtur við það aðstoðar samráðshóps ráðuneyta, skrifstofu Alþingis, Samtaka atvinnulífsins, Alþýðusambands Íslands og Sambands íslenskra sveitarfélaga.

Tvö af stærstu mjólkurbúum Bretlands í bændaeigu, Milk Line og First Milk, hafa nú uppi áform um sameiningu. Þessi fyrirtæki eru í eigu 4.250 bænda og árleg velta þeirra nemur rétt tæpum 130 milljörðum kr. Þessi mjólkurbú eru fyrirferðarmikil á breskum markaði fyrir hrámjólk til vinnsluaðila líkt og Arla og Robert Wiseman Dairies.

Hæstiréttur hefur staðfest dóm Héraðsdóms Suðurlands um að Fljótshlíðarafréttur, Grænafjall, sé skilgreint sem þjóðlenda í samræmi við úrskurð óbyggðanefndar. Hópur landeigenda krafðist þess viðurkenningar á að þeir ættu óskiptri sameign beinan eignarrétt að landinu með tilteknum merkjum en á það féllst Hæstiréttur ekki.

Eins og kynnt var s.l. vetur hefur Kynbótastöðin fjárfest í klaufskurðarbás sem ætlunin er að starfrækja á vegum stöðvarinnar og bjóða kúabændum upp á klaufsnyrtngu kúa sinna. Afhending bássins hefur af ýmsum orsökum tafist nokkuð en nú hyllir undir komu hans. Básinn er kominn í gám í Danmörku, eins og meðfylgjandi mynd sýnir, og því væntanlegur til landsins innan skamms.

Skógrækt ríkisins, Landgræðsla ríkisins og Vatnamælingar ríkisins munu færast frá landbúnaðarráðuneytinu um áramótin, skv. minnisblaði um breytingar á verkaskiptingum ráðuneyta sem forsætisráðherra kynnti á ríkisstjórnarfundi í gær.

Síðastliðinn föstudag (21. sept.) varði Unnsteinn Snorri Snorrason meistararitgerð sína við auðlindadeild Landbúnaðarháskóla Íslands. Verkefni Unnsteins er á sviði búvísinda og nefnist „Samanburður á aðferðum við fóðrun mjólkurkúa í lausagöngufjósum”. Prófdómari var Jóhannes Sveinbjörnsson, dósent við Landbúnaðarháskóla Íslands, en í meistarprófsnefnd voru Dr. Daði Már Kristófersson, sérfræðingur hjá Bændasamtökum Íslands aðalleiðbeinandi og Dr. Torfi Jóhannesson, verkefnastjóri hjá vaxtarsamningi Vesturlands, meðleiðbeinandi.

Unnsteinn Snorri starfar nú sem bygginga- og bútækniráðunautur hjá Byggingaþjónustu Bændasamtaka Íslands.

Tilboð í byggingu nýrrar Nautastöðvar BÍ á Hesti í Borgarbyggð voru opnuð á skrifstofum Bændasamtaka Íslands í dag. Viðstaddir voru nokkrir bjóðendur en alls buðu fjögur fyrirtæki í verkið. Húsið er alls 1.294 fermetrar, sérhannað fjós fyrir kynbótanaut og nautkálfauppeldi með tilheyrandi aðstöðu, s.s. fóðurgeymslu, sæðistökurými, rannsóknastofu, skrifstofu o.fl.

Mikill meirihluti bænda, eða 92%, telja það mikilvægt að landbúnaður sé stundaður á nágrannajörðum þeirra og 72% þeirra telja að breytingar á eignarhaldi jarða síðastliðin 10 ár hafi haft áhrif á búsetu í sveitum. Þetta kemur m.a. fram í rannsókn á samfélagslegum áhrifum vegna breytts eignarhalds bújarða sem Rannsóknamiðstöð Háskólans á Bifröst hefur unnið fyrir Bændasamtökin. Það er eindreginn áhugi bænda á því að land verði áfram tiltækt til landbúnaðar en almennt eru svarendur á móti samþjöppun í landbúnaði. Þó nokkur breytileiki er á viðhorfum bænda sem búa á sunnanverðu landinu eða fyrir norðan.

Stjórn félagsins Torfuness Blæs ehf. hefur segir að stóðhesturinn Blær frá Torfunesi hafi sætt slæmri meðferð í girðingu á Suðurlandi þar sem hann tók á móti hryssum. Fram kemur í yfirlýsingu frá stjórninni, að málið hafi verið tilkynnt til dýraverndunaryfirvalda og verði rekið í þeim farvegi.
Að sögn Baldvins Kr. Baldvinssonar, eins af eigendum félagsins, er hesturinn ekki veikur og étur vel en það geti tekið langan tíma fyrir hann að ná fyrra þreki og þoli.

Kúabændur á Austurlandi munu leita annarra leiða til að vinna mjólk á Austurlandi, ef samþykktar verða tillögur stjórnenda Mjólkursamsölunnar um að leggja niður mjólkurvinnslu á Egilsstöðum. Hefur meðal annars komið til tals í þeirra röðum að leita til keppinautar MS, Mjólku, um að koma að mjólkurvinnslu þar. Bæjarstjórn Fljótsdalshéraðs skorar á stjórn MS og fulltrúaráð að endurskoða ákvörðunina.

Samstarfssamningur Landbúnaðarháskóla Íslands og Hrossaræktarsamtaka Suðurlands var undirritaður á dögunum. Markmið samningsins er auka fræðslu og menntun á svið hrossaræktar og hestahalds. Hugmyndin er að vera með námskeið fyrir hrossaræktendur á starfssvæði HS sem og að auka rannsóknir og stefnir HS að því að styrka a.m.k. eitt rannsóknarverkefni í hrossarækt við LBhÍ á ári.

Hringskyrfi orsakast af húðsvepp sem nefnist Trichophyton verrucosum. Einkenni sjúkdómsins eru hringlaga hárlausir blettir í húð. Smitið berst á milli dýra með beinni snertingu en getur einnig borist með öðrum dýrum, fólki og ýmsu öðru í umhverfi dýranna. Sveppagróin eru mjög harðgerð og geta lifað lengi í umhverfinu.

Talið er að yfir 100 kindur hafi drukknað í Kálfá í Gnúpverjahreppi í morgun þegar verið var að reka fé yfir ána úr safngirðingu innnan við bæinn Skáldabúðir eftir leitir á Flóa- og Skeiðamannaafrétti áleiðis til Reykjarétta á Skeiðum þar sem réttað verður í fyrramálið. Að sögn var mjög mikið í ánni og vatnið kalt.

Hringskyrfi hefur verið staðfest á bæ í Eyjafirði. Um var að ræða einn blett á einum nautgrip sem héraðsdýralæknir og eftirlitsdýralæknir komu auga á í sláturhúsi. Héraðsdýralæknir skoðaði í kjölfarið alla gripi á bænum er fann engin sjáanleg einkenni. Fyrirskipaðar hafa verið varúðarráðstafanir til að hindra smitdreifingu og dýralæknum og fleiri aðilum í Eyjafirði tilkynnt um málið. Landbúnaðarstofnun hefur lagt til við landbúnaðarráðuneytið að það fyrirskipi víðtækari aðgerðir til að hindra útbreiðslu og útrýma sjúkdómnum á grundvelli laga um dýrasjúkdóma og hefur lagt fram ákveðnar tillögur í því tilliti.

Á útmánuðum 2007 fóru fram námskeið á vegum Landbúnaðarháskóla Íslands undir heitinu “Aukin verðmæti sláturlamba” á alls 6 stöðum á landinu og voru þátttakendur nálægt 70 talsins.
 
Á þessum námskeiðum var notað reiknilíkan af sláturlambaframleiðslu sem m.a. tekur tillit til áhrifa fallþunga á flokkun dilka, áhrifa sláturtíma á verðlagningu kjötsins og margra fleiri þátta er lúta að því að hámarka verðmæti dilkakjötsframleiðslunnar á hverju búi.

Meistaravörn Óðins Gíslasonar fer fram í Ásgarði, í Ársal á 3. hæð, á Hvanneyri, föstudaginn 14. september 2007, kl. 14.00 Verkefni Óðins er á sviði búvísinda og nefnist „Samanburður heyskaparaðferða á íslenskum kúabúum”.
Markmiðið með þessari rannsókn var að kanna vinnu og kostnað við mismunandi heyskapar- og geymsluaðferðir á íslenskum kúabúum. Einnig að greina hvernig kostnaður deilist á ákveðin verk heyskaparins og hvaða þættir valda breytileika við afköst og kostnað. Fyrst og fremst var horft til samanburðar á stæðuverkun og rúllu-og ferbaggaverkun. Reiknaður var allur kostnaður frá og með slætti og þar til heyið er frágengið í geymslu, að geymslukostnaði meðtöldum, plasti og byggingum.

Þórólfur Sveinsson, formaður Landssambands kúabænda, telur þróun í starfsumhverfi mjólkurfyrirtækja hérlendis vera á sömu leið og hjá nágrannalöndum okkar. Í Blaðinu í gær var fjallað um að Mjólka hyggist fimmfalda framleiðslu sína á næstu árum. Þórólfi finnst vöxtur Mjólku vera hið besta mál en sér engin sérstök tækifæri í honum fyrir kúabændur.