Á vef Landssambands kúabænda, www.naut.is má sjá áskorun til kúabænda um að beita kúnum, a.m.k. að tryggja útiveru þeirra þær 8 vikur sem reglugerð kveður á um. Vitnað er í reglugerð um aðbúnað nautgripa og eftirlit með framleiðslu mjólkur og annarra afurða þeirra, nr. 482/2002 en hún segir að nautgripum eldri en 6 mánaða, að graðneytum undanskildum, skuli tryggð 8 vikna útivist ár hvert. Búnaðarsamband Suðurlands tekur undir áskorun LK um að þeir kúabændur sem ekki hafa sett kýrnar út nú þegar gerið það hið fyrsta.

Vefstjórar www.bssl.is, Guðmundur og Jóhannes, fara nú í sumarfrí frá hefðbundnum skrifstofustörfum og rifja upp praktísku hliðar landbúnaðarins á bújörðum foreldranna auk ferðalaga um okkar fagra land. Af þeim sökum má búast við fátíðari og óreglulegri uppfærslum á vefnum næsta mánuðinn eða svo.

Gleðilegt sumar!

Handbók um hugarfar kúa, er ný skáldfræðisaga sem kom út hjá bókaforlaginu Bjarti á þjóðhátíðardaginn. Þessi athyglisverði titill bókar er yfirskrift annarrar skáldsögu Bergsveins Birgissonar, en árið 2003 kom skáldsagan Landslag er aldrei asnalegt og var bókin tilnefnd til Íslensku bókmenntaverðlaunanna. Handbókin er hugsuð fyrir þá sem skilja vilja tíðarandann og takt hans. Í Handbók um hugarfar kúa segir frá ungum menningarfræðingi, sem snýr heim eftir strangt nám í útlöndum. Á ráðningarstofum er horft á hann með hluttekningu og hann spurður hvort hann hafi „komið eitthvað fram“? Að lokum fær hann þó í gegnum klíku það verkefni að gera handrit að heimildarmynd um íslensku kúna fyrir Bændasamtök Íslands.

Heyskapur hófst á Tilraunabúinu á Stóra-Ármóti að kvöldi þjóðhátíðardagsins 17. júní. Mikið heyskaparæði rann á Höskuld bústjóra eins og jafnan á þessum árstíma og var uppskera af 28 hekturum komnar í 340 rúllur að kvöldi 19. júní, aðeins tveimur sólarhringum síðar. Þroskastig grasa var mjög gott á þessum tíma náðist uppskeran um eða fyrir skrið vallarfoxgrassins. Þetta heymagn er nóg sem hágæða framleiðslufóður fyrir þær 50 mjólkurkýr sem eru í fjósi en enn vantar að afla viðhalds- og geldstöðufóðurs auk meiri heyja fyrir uppeldisgripi.

Forseti Íslands, hr. Ólafur Ragnar Grímsson, sæmdi í gær tíu Íslendinga fálkaorðunni við hátíðlega athöfn á Bessastöðum. Af þessum tíu eru tveir starfandi bændur, þar af annar sunnlenskur, en það er Ólafur Eggertsson, bóndi á Þorvaldseyri undir Eyjafjöllum. Hann hlaut riddarakross fyrir nýjungar í landbúnaði. Þá hlaut Guðrún Jónsdóttir bóndi á Arnbjargarlæk í Þverárhlíð í Borgarbyggð riddarakross fyrir störf á vettvangi félags- og velferðarmála. A.m.k. einn annar orðuhafi ætti að vera bændum að góðu kunnur en það er Páll Bergþórsson, fv. veðurstofustjóri sem hlaut riddarakross fyrir rannsóknir á veðurfari og sögu þess.

Til sölu eru veiðileyfi í Hvítá í landi Stóra-Ármóts. Þrjár stangir eru leyfðar og eru allar seldar í einu. Aðgangur að veiðhúsi fylgir með leyfunum. Veiðihúsið er 30 m2 A bústaður með eldunaraðstöðu, salerni og svefnaðstöðu. Vatn, gas og rafmagn af geymi fylgir. Umsjónarmenn veiðisvæðisins eru bústjórar að Stóra Ármóti, Hilda Pálmadóttir og Höskuldur Gunnarsson í símum 482-1058 og 897-4766. Veiðileyfin eru seld í Veiðisporti á Selfossi, hjá Búnaðarsambandinu að Austurvegi 1 og hjá bústjórum að Stóra Ármóti. Bændur á Suðurlandi fá 10% afslátt frá listaverði sem er eftirfarandi:

Í Kastljósinu í gærkvöldi (15. júní) voru bændur að Hálsi í Kjós heimsóttir en þar hefur nú verið opnuð verslun í sveit sem ber nafnið Matarbúrið. Á Hálsi er m.a. búið með holdagripi og má í versluninni kaupa afurðir þeirra, niðursagaða og vacumpakkaða líkt og í öðrum verslunum. Í Matarbúrinu er einnig að finna heimagerðar sultur og fleiri árstíðarbundnar vörur frá þeim sjálfum sem og bændunum í kring.

Í sunnudagsblaði Morgunblaðsins um liðna helgi (14. júní) var að finna áhugaverða lesningu sem ástæða er fyrir sem flesta að lesa. Greinin vekur upp spurningar um fæðuöryggi heimsins og minnir stjórnvöld en ekki síður landeigendur á ábyrgð hvers og eins að meta ræktunarland að verðleikum. Það er ekki sjálfgefið að ræktanlegt land sé tekið undir aðra landnotkun en landbúnað þó akkúrat núið geti leyft það. Hvernig verður staðan eftir 10 ár, 20 ár eða þá 50 ár? Greinin í heild sinni er birt hér á eftir ásamt viðtali blaðamanns Morgunblaðsins við Andrés Arnalds fagmálastjóra Landgræðslunnar sem birtist í framhaldinu í sama blaði.

Bændur mótmæltu í Frakklandi fyrir sl. helgi, en þeir segja stórar verslanakeðjur þvinga niður afurðaverð til þeirra Hafa þeir reist vegatálma í mótmælaskyni til að hindra aðgang að vöruafgreiðslusvæðum um 40 stórra matvöruverslana víðs vegar um Frakkland. Um 7.000 bændur taka núna þátt í mótmælunum.

Niðurstaða krufningar 318 lamba og 20 áa í Þingeyjarsýslum sýnir að 70-80 prósent lambadauða í burði stafar af fjórum þáttum. Það eru innvortis blæðingar vegna áverka, köfnun, sýking og selenskortur. Sigurður Sigurðarson dýralæknir vann rannsóknina fyrir Búnaðarsamband Norður-Þingeyinga. Hann krufði fé af ríflega 50 bæjum.
Sigurður nefnir að innvortis blæðingar hjá lömbum rétt fyrir burð, í burði eða eftir hann séu meðal algengustu ástæðna lambadauða. Bændur geti dregið úr tjóninu þekki þeir áhættuþættina. Hann segir algengast að lömbin verði fyrir slysi þegar kindurnar ryðjist hver um aðra, út um dyr eða berji hver á annarri. „Kindurnar eru viðkvæmari eftir að byrjað var að rýja að vetrinum og engin ull dregur úr álagi.“

Hæstiréttur dæmdi í gær bónda til að greiða ungri konu 2 miljónir króna í skaðabætur auk vaxta. Hún meiddist þegar nýborin kýr stangaði hana og traðkaði á henni árið 2002 en hún var þá aðeins 14 ára. Hún hefur fundið til í baki og er varanleg örorka metin 5 prósent.

Súsanna Ólafsdóttir reiðkennari og tamningarmaður og Hyllir frá Hvítárholti voru á leiðinni heim frá kynbótasýningunni á Hellu þegar þau urðu fyrir þeirri óskemmtilegu lífsreynslu að missa kerruna aftan úr á leiðinni, kerran fór á hvolf út í skurð á 80 km hraða.

Síðasta haust var greiddur styrkur út á annars vegar kornrækt og hins vegar gras- og grænfóðurrækt. Þá voru þetta tveir flokkar með sitt hvorar úthlutunarreglurnar. Nú er búið að sameina þá undir einn styrktarflokk sem er fjármagnaður með eftirfarandi hætti:

Búnaðarlagasamningur – eyrnamerkt kornrækt 13 millj.
Sauðfjársamningur 35 millj.
Mjólkursamningur 82 millj.
Samtals 130 millj.

Gróffóðuröflunin er stærsti reglulegi kostnaðarliðurinn sem hvert bú í hefðbundnum búrekstri þarf að greiða. Margar þær ákvarðandir sem bóndinn þarf að taka snúast á einn eða annan hátt um þennan þátt. Því er mikilvægt að fyrir liggi eitthvert mat á því hve sé raunveruleg þörf búsins á magni og gæðum gróffóðursins áður en teknar eru ákvarðanir um t.d. áburðarkaup, tímasetningu sláttar  o.s.frv. Í upphafi skal endinn skoða…

Um nokkurt skeið hefur verið í vinnslu kennslu- og fræðsluefni í sauðfjárrækt á vegum Landbúnaðarháskóla Íslands. Þetta efni er ætlað til kennslu í búfræðináminu við skólann og nýtist jafnframt sem fræðsluefni fyrir sauðfjárbændur og allt áhugafólk um íslenska sauðfjárrækt. Ákveðið var að vinna efnið sem netútgáfu og að hafa það aðgengilegt öllum á heimasíðu skólans. Hver og einn getur samt prentað út það efni sem hann vill lesa af blaði. Jafnframt er hægt að vista efnið niður svo hægt sé að skoða það og lesa í eigin tölvu án þess að vera nettengdur. Með því að hafa efnið á þessu formi verður mun auðveldara að uppfæra það og breyta eftir þörfum.

Vala Rebekka Þorsteinsdóttir hefur verið ráðin framkvæmdastýra Lífeyrissjóðs bænda. Auglýst var eftir nýjum framkvæmdastjóra á dögunum og sóttu hvorki fleiri né færri en 61 aðili um stöðuna. Stjórn sjóðsins ákvað á fundi sínum í dag að ganga til samninga við Völu um stöðuna.

Landbúnaðarháskóli Íslands í samvinnu við kanínuræktandann, Sigrúnu Elíasdóttur, Ullarselið og Landbúnaðarsafn Íslands ætla að halda uppá Dag kanínunnar næstkomandi laugardag, þann 13. júní á Hvanneyri.

Á aðalfundi BSSL 2009 var samþykkt eftirfarandi ályktun: „Aðalfundur BSSL, haldinn í Árhúsum við Hellu þann 17. apríl 2009, samþykkir að skora á stjórn BSSL að gerð verði úttekt á samskiptum bænda, vegagerðar og sveitastjórna varðandi girðingar með þjóðvegi 1 á svæði BSSL“. Í kjölfar ályktunarinnar hefur nokkuð verið unnið í málinu.

Fóðrun mjólkurkúa á geldstöðu hefur fengið aukna athygli kúabænda undanfarin misseri. Lengi hefur verið þekkt að ekki er rétt að fóðra allar kýr á sama gróffóðri og mismuna þeim aðeins í kjarnfóðri eftir stöðu á mjaltaskeiði/geldstöðu. Fóðurfræðingar og aðrir fóðrunarráðgjafar hafa lengi talað fyrir sérstakri geldstöðufóðrun, oftast fyrir daufum eyrum. Trúlega var um að kenna að á kúabúum með um 30 mjólkandi kýr í básafjósi voru alla jafna fáar geldkýr hverju sinni og ekki hagkvæmt að hafa sérstaka heygerð fyrir 2-3 kýr. Þarna skildi því e.t.v. á milli fræðimennskunar og raunsæis.

Um síðustu áramót tóku gildi reglur um gæðaastýringu í skýrsluhaldi nautgriparæktarinnar. Í þessu felst að þeim kúabændum sem halda mjólkurskýrslur bjóðast greiðslur að uppfylltum ákveðnum skilyrðum. Þessi skilyrði eru eins og reglurnar eru í dag að skýrslu næstliðins mánaðar skal vera skráð inn í gagnagrunn nautgriparæktarinnar (www.huppa.is) í síðasta lagi á miðnætti 10. hvers mánaðar, t.d. mjólkurskýrsla maí 2009 skal skráð og skilað í síðasta lagi kl. 23:59 þann 10. júní 2009. Að auki er það sett sem skilyrði að mjólkursýnum úr einstökum kúm (kýrsýnum) skal skilað a.m.k. einu sinni í hverjum ársfjórðungi.