Stjórn Landssamtaka landeigenda á Íslandi telur það ámælisvert að landbúnaðarráðherra skipi vinnuhóp um endurskoðun jarða- og ábúðarlaga án aðildar samtakanna.
Jón Bjarnason, sjávarútvegs- og landbúnaðarráðherra skipaði í liðinni viku vinnuhóp um endurskoðun jarða- og ábúðarlaga. Þetta er í samræmi við stefnuyfirlýsingu ríkisstjórnarinnar en þar er tiltekið að ríkisstjórnin muni standa vörð um innlendan landbúnað og tryggja fæðu- og matvælaöryggi þjóðarinnar.

Sjávarútvegs- og landbúnaðarráðuneytið hefur birt auglýsingu um endurskipulagningu varnarlína gegn sauðfjársjúkdómum að fengnum tillögum Matvælastofnunar. Megináhersla er nú lögð á varnir gegn riðu- og garnaveiki en minni áhersla á að verjast öðrum sjúkdómum.
Varnarlínum fækkar um tvær og verða 27. Til viðbótar eru tvær aukavarnarlínur og línurnar því samtals 29. Aukavarnarlínur voru áður 11 talsins. Mestu breytingarnar eru að línur falla niður í Skaftafellssýslum, á sunnanverðum Vestfjörðum og í Borgarfirði.
Þetta nýja skipulag varnarlína hefur þegar tekið gildi og eru bændur hvattir til að kynna sér það vel fyrir sitt svæði, ekki síst þar sem nú fara göngur og réttir í hönd.

Þetta er verkefni sem lofar góðu,“ segir Ólafur Eggertsson, bóndi á Þorvaldseyri undir Eyjafjöllum. Olíurepja var þreskt á Þorvaldseyri í fyrsta sinn í gær. Sleginn var eins hektara akur og var uppskeran mjög góð, 2,5 tonn.
Í fræjum repjunnar er olía sem erlendis er nýtt bæði sem matarolía og eldsneyti. Sáð var til repjunnar í júlí á síðasta ári.

Í lauslegri könnun sem BSSL gerði meðal heyvinnuverktaka á Suðurlandi í síðustu viku mátti greina nokkurn breytileika í gjaldtöku verktaka þó hann sé alla jafna ekki mikill. Í flestum tilvikum er innifalið í verðinu netið sem fer utan um rúlluna en verkkaupinn útvegar plastið. Eðlilega eru verðin breytileg eftir stærð rúllunnar en hafa þarf í huga að talsvert mikið heymagn er í hverjum 10 cm sem bætast við þvermál rúllunnar. Þannig er skv. handbókartölum 2,1 rúmmetrar í rúllu sem er 1,5 m í þvermál en 1,4 rúmmetrar í rúllu sem er 1,2 í þvermál. Þjöppunin er líka mikið atriði og þetta tvennt veldur því að rúlla er alls ekki það sama og rúlla eins og allir vita. Að nota fjölda rúlla sem verðgrunn í slíkum viðskiptum er því ekki allskostar réttlátt þó það sé án efa þægilegasta leiðin.

Kornþresking hófst á Drangshlíðarbúinu 19. ágúst sl. Um var að ræða íslenska tveggja raða yrkið Kríu sem sáð var 17. apríl sl. Að sögn Ólafs Björnsonar sem stendur í kornræktinni í Drangshlíð ásamt Þórarni Ólafssyni lítur vel út með kornræktina í ár.

Skemmdarverk voru unnin í nótt eða í morgun í tilraunaræktun ORF Líftækni í Gunnarsholti. Allt bygg í reitnum hefur verið eyðilagt. Ekki er ljóst hverjir standa að skemmdarverkunum. Ljóst er að fyrirtækið mun ekki fá uppskeru úr tilraunareitnum í Gunnarsholti í haust eins og stefnt var að og skemmdarverkin munu tefja áframhaldandi þróunarstarf fyrirtækisins á Íslandi.

Úrvinnslu á BLUP kynbótamatinu í sauðfjárrækt fyrir árið 2009 lauk í júli. Áður en sumarleyfi hófust var komið á framfæri fyrstu niðurstöðum þess á vef Bændasamtakanna. Nú hefur þar verið bætt við fjölmörgum fleiri niðurstöðum sem hægt er að skoða með því að smella hér. Þarna eru ýmsar töflur yfir þá hrúta sem skara framúr í einstökum eiginleikum. Einnig eru þarna sérstakar töflur fyrir sæðingastöðvahrútana um alla eiginleikana sem matið er reiknað fyrir. Um hverja einstaka töflu er síðan þarna að finna nokkuð ítarlega umfjöllun um athyglisverðustu niðurstöðurnar í hverri töflu.

Egg í lausu, kúfskel frá Þórshöfn, andafita, sólþurrkaður þorskur, strandblaðka og hnúðkál er meðal þess sem finna má á bændamarkaðinum Frú Laugu sem opnaður var við Laugalækinn í Reykjavík síðastliðinn föstudag.

Það kreppir greinilega víðar að hjá vélasölum en á Íslandi. Fáir ef nokkrir ganga þó lengra í að lokka til sín viðskiptavini en vélasölufyrirtækið „Carolina Tractor and Marine“ sem staðsett er í Suður-Karólínu í Bandaríkjunum. Tilboð fyrirtækisins hljóðar upp á að allir viðskiptavinir sem kaupa dráttarvél eða mótorbát fá rússneska Kalashnikov AK-47 vélbyssu í kaupbæti. Kalashnikov-vélbyssan er trúlega þekktasta vélbyssa heims og er notuð af mörgum stærstu herjum í heimi og hefur að auki verið vinsæl meðal stærstu hryðjuverkasamtakanna sömuleiðis.

Í Morgunblaðinu í gær (16. ágúst) birtist grein eftir Gunnar Örn Guðmundsson, héraðsdýralækni í Gullbringu- og Kjósarsýslu með sömu yfirskrift og hér er gert. Þar fjallar hann um hið margumrædda Matvælafrumvarp sem nú liggur fyrir Alþingi og hvaða áhrif óbreytt frumvarp myndi hafa á dýralæknaþjónustu í landinu. Hér á eftir fer pistill Gunnars orðréttur þar sem grein hans útskýrir nokkuð vel í hverju mótmæli dýralækna liggja í þeirri von að bændur átti sig betur á þeirri stöðu sem yrði uppi.

Gengi krónunnar hefur lækkað um rúmlega 6% gagnvart evru það sem af er árinu. Gengislækkunin bætist við um 45% lækkun á síðasta ári. Gengi krónunnar gagnvart evru er nú þriðjungi lægra en það var í byrjun september á síðasta ári þegar alþjóðlega fjármálakreppan hófst af fullri alvöru, að því er segir í Peningamálum Seðlabanka Íslands sem gefin voru út í dag. Reiknað er með því að evran verði 176 krónur á næsta ársfjórðungi.

Fyrirhugað er að halda málþing um stöðu og framtíð landbúnaðar og byggðar í sveitum mánudaginn 14. september 2009 í Norræna húsinu í Reykjavík. Þar verða kynntar niðurstöður úr viðamiklu rannsóknaverkefni um þessi efni, sem unnið hefur verið að við Háskóla Íslands undanfarið og ber heitið „Litróf landbúnaðarins“.

Í dag, fimmtudaginn 13. ágúst, hefst Sumarhátíð á Rangárbökkum sem standa mun alla helgina. Fyrir hátíðinni standa Rangárbakkar ehf. en hluti af hátíðinni eru hin árlegu Töðugjöld á Hellu sem unnið hefur sér fastan sess meðal heimamanna. Á Sumarhátíðinni verður margt til skoðunar og skemmtunar og munu hin ýmsu hestatengdu atriði eflaust vekja mikla athygli, s.s. bjórreiðin, kappreiðar, smali, íslandsmót í járningum ofl. ofl.

Í sumar hafa bændur í Akurnesi í Hornafirði mjólkað rúmlega 30 ær. Mjaltir hófust 4. júlí og voru þá lömbin tekin undan ánum og sett á há og sumarrýgresi. Ærnar eru mjólkaðar kvölds og morgna og koma um 20 kg á dag af mjólk úr ánum. Mjólkin er flutt í Búðardal til frekari vinnslu en í framtíðinni er gert ráð fyrir að öll vinnsla mjólkurinnar fari fram í Akurnesi. Beitin sem ærnar fá er há og svo fá þær 150 g/á af fóðurbæti í mjöltunum. Mjaltabásinn er eini sinnar tegundar hér á landi, en hann er mjög tæknilegur. Helgi Ragnarsson í Akurnesi smíðaði básinn en mjaltatækin koma frá Remfló.

Skilningur á velferð og vellíðan dýra hefur farið vaxandi á síðustu árum. Rannsóknir á atferli dýra og líðan þeirra við þær aðstæður sem þeim eru búnar hafa færst í vöxt. Á slíkum rannsóknum byggjast lög og reglugerðir um meðferð og aðbúnað húsdýra. Þessar reglur geta virst íþyngjandi fyrir eigandann, en sjaldnast er það svo. Þegar dýrinu líður vel, hefur rúmt um sig og getur hreyft sig þroskast það hraðar, gefur meiri afurðir og verður hraustara.

Kornræktarbændur á Suðurlandi hafa nú nokkrar áhyggjur af kornökrunum sínum í kjölfar frostnáttanna 24. og 25. júlí sl. Sem kunnugt er sá sumstaðar áhrif frostsins á kartöflugrösum einkum með ströndinni og á sumum stöðum verulega s.s. nálægt Eyrarbakka og í Þykkvabæ. Frostnætur sem þessar geta líka valdið tjóni í kornræktinni, einkum ef það kemur svona fljótt eftir skrið eða um það leyti sem kornið er að byrja að safna í sig forða.

Í Fréttablaðinu þann 31. júlí sl. skrifaði Eiríkur Bergmann Einarsson, dósent í stjórnmálafræði og forstöðumaður Evrópufræðaseturs Háskólans á Bifröst, pistil um íslenskan landbúnað og Evrópusambandið. Pistillinn er hluti af pistlaröð höfundar um þau atriði sem hann telur að munu vera meginmarkmið Íslands í komandi aðilarviðræðum og fer hann hér á eftir:

Að beiðni Landssambands kúabænda tóku Búnaðarsamband Suðurlands og Búgarður á Akureyri saman yfirlit yfir ýmsa kostnaðarliði í mjólkurframleiðslunni fyrir síðasta ár. Samantekt BSSL byggir á tölum frá 34 búum sem að jafnaði lögðu inn 231 þúsund lítra mjólkur á sl. ári. Lætur nærri að á bak við þessar tölur séu 15% mjólkurframleiðslunnar á Suðurlandi. Tölur Búgarðs byggja á 22 búum sem að jafnaði lögðu inn 238 þúsund lítra mjólkur árið 2008. Þau bú sem þar eru lögð til grundvallar standa því einnig að nálægt 15% af mjólkurframleiðslu Norðausturlands.

Vel horfir með kornræktina á Stóra-Ármóti það sem af er en segja má að kornið hafi almennt skriðið þann 1. júlí. Það er óvanalega snemma sumars sem þetta gerist en ekki er óalgengt að korn skríði á bilinu 15. – 25. júli, nokkuð breytilegt eftir yrkjum. Ástæðan fyrir því hversu tímanlega kornið skríður er bæði yrkisvalið og sú staðreynd að aldrei fyrr hefur jafn snemma verið sáð korni á Stóra-Ármóti en í ár, en það var gert 18. – 20. apríl sl. Sáð var íslenska tveggja raða yrkinu Kríu í 15,5 ha og íslenska sex raða yrkinu Skúmi í 3,5 ha. Hvoru tveggja eru þessi yrki fremur fljótþroska enda til þess kynbætt af Jónatani Hermannssyni, sérfræðingi hjá LBHÍ.

Bændur hafa slegist í hóp með þekktustu matreiðslumönnum landsins við gerð matreiðsluþátta sem hlotið hafa heitið „Eldum íslenskt“. Sýningar eru hafnar á vef Morgunblaðsins, www.mbl.is og á sjónvarpsstöðinni ÍNN. Í tengslum við þættina ætla bændur að heilgrilla naut, svín og lambaskrokka á næstu dögum fyrir utan verslanir Krónunnar í Reykjavík og Kópavogi. Kokkarnir úr þáttunum gefa góð ráð um leið og þeir gefa fólki að bragða á kjötinu. Fimmtudaginn 9. júlí (í dag) verður riðið á vaðið í Krónunni á Granda kl. 16:00 en þar verður heill nautsskrokkur grillaður á landsfrægu grilli kúabænda. Eftir viku verða nokkrir grísir steiktir á teini í Krónunni í Lindum í Kópavogi og síðar nokkrir lambaskrokkar á sama stað. Ef veðurguðirnir reynast viðskotaillir verður dagsetningum hugsanlega hnikað. Hægt er að fylgjast með á www.bondi.is.