Sjávarútvegs- og landbúnaðarráðherra hefur ákveðið, að tillögu framkvæmdanefndar búvörusamninga, að til að hljóta fullar beingreiðslur árið 2012 skuli fjöldi vetrarfóðraðra kinda vera að lágmarki 0,6 á hvert ærgildi greiðslumarks á lögbýli. Þetta er sama ásetningshlutfall og verið hefur undanfarin ár.

Bændasamtök Íslands og ASÍ halda áfram að munnhöggvast um matvælaverð og verðbólgu. Haraldur Benediktsson, formaður samtakanna, sagði í samtali við Ríkisútvarpið í gær að málflutningur Gylfa Arnbjörnssonar, forseta ASÍ, væri „kjaftæði“ en í fyrradag sagði Gylfi að verðhækkanir á íslenskum matvælum helstu orsök hækkandi verðbólgu í samtali við RÚV. Verðbólga mældist 5,7 prósent í september og hafði þá hækkað um 0,7 prósentustig milli mánaða.

Bændasamtökin hafa sent frá sér tilkynningu þar málflutningi forseta ASÍ varðandi það að skýringa á aukinni verðbólgu væri að leita í hækkunum á innlendri búvöru er harðlega mótmælt. Bændasmtökin vilja koma eftirfarandi atriðum á framfæri í þessu sambandi:

Forseti Alþýðusambands Íslands vill að landbúnaðarkerfið verði stokkað upp og segir hækkandi verð á íslenskum matvælum vera eina helsta orsök þess að verðbólga hefur ekki mælst hærri hér á landi í sextán mánuði. Hann segir engin rök fyrir hækkununum, bændur taki nú meira til sín í skjóli einokunar.
Vísitala neysluverðs eða verðbólga, hækkar um núll komma sjö prósentustug á milli mánaða og mælist nú fimm komma sjö prósent síðustu tólf mánuði. Verðbólgan hefur hækkað látlaust frá því í janúar, en hefur ekki mælst hærri í sextán mánuði eða frá því í maí í fyrra. Gylfi Arnbjörnsson, forseti Alþýðusambands Íslands, hefur miklar áhyggjur af þróuninni en kjarasamningar verða endurskoðaðir í janúar.

Eins og á undanförnum árum hafa rauntölur um frjósemi hjá þrem yngstu árgöngum dætra stöðvarhrútanna verið teknar saman í töflu sem er að finna á vef Bændasamtakanna, sjá hlekk neðar. Skil í skýrsluhaldinu eru meiri en nokkru sinni og því er þarna ákaflega mikið magn upplýsinga.
Einnig er búið að vinna nýtt BLUP kynbótamat fyrir frjósemi þar sem þessar upplýsingar hafa lagst við eldri gögn. Þær niðurstöður hafa margir þegar skoðaða í FJARVIS.IS. Nokkrar breytingar verða á mati hjá sumum hrútunum. sérstaklega þeim sem nú eiga sinn fyrsta árgang dætra úr sæðingum.

Félag sauðfjárbænda stendur fyrir degi sauðkindarinnar í fjórða sinn í Skeiðvangi á Hvolsvelli laugardaginn 15. október kl. 14 17. Sauðfjáreigendur frá Markarfljóti að Þjórsá geta komið með um 10 kindur á sýninguna og er fjölbreytni í litum og önnur sérkenni æskileg.
Opinn markaður verður á hrútum og gimbrum og eru fjáreigendur hvattir til að koma með fé til sölu.
Á sýninguna eru boðaðir 10-15 efstu lamb- og veturgamlir hrútar frá sýningum í heimasveit og verður þeim raðað upp á nýtt og verðlaun veitt.

Matvælastofnun hefur gengið frá ráðningu í þær sex stöður héraðsdýralækna sem verða til með breyttri umdæmaskipan frá og með 1. nóvember n.k. Héraðsdýralæknir í Suðurumdæmi verður Gunnar Þorkelsson, hann hefur gegnt stöðu héraðsdýralæknis í Vestur-Skaftafellsumdæmi.

Jón Bjarnason, sjávarútvegs- og landbúnaðarráðherra undrast þau skilyrði sem Evrópusambandið hefur sett fyrir því að hefja samningaviðræður um landbúnað og dreifbýlisþróun. Þetta kemur fram í grein eftir ráðherra sem m.a. er birt á vef ráðuneytisins. Ráðherra segir opnunarskilyrðin koma verulega á óvart þegar haft er í huga að á rýnifundi um landbúnaðarkaflann, sem fór fram í Brussel 27. janúar s.l. hafi íslenska samninganefndin gefið út sérstaka yfirlýsingu um málið miðað við þá ákvörðun Íslands að breyta ekki íslenskri stjórnsýslu, eða lögum fyrr en fyrir liggur að aðildarsamingur hafi verið samþykktur í þjóðaratkvæagreiðslu. Í yfirlýsingu samninganefndarinnar var því lýst að Íslandi verði unnt að gera allar nauðsynlegar laga og stjórnsýslubreytingar þannig að allt verði til reiðu frá gildistöku aðildar. Nú liggur fyrir að slík yfirlýsing er ekki fullnægjandi að mati framkvæmdastjórnar ESB.

Það sem af er ári eða til og með viku 37 hefur framleiðsla mjólkur numið 90,7 milljónum lítra sem er nánast sama framleiðsla og á sama tíma í fyrra. Munar aðeins 105 þús. lítrum eða 0,12% og þá þannig að framleiðslan er minni í ár. Á þessu ári hefur mjólkurinnlegg verið minna en í fyrra alla mánuði ef undanskildir eru maí og ágúst. Innlegg í ágúst var 535 þús. lítrum meira en í fyrra og það sem af er september er framleiðslan einnig meiri. Þarna getur þrennt komið til. Í fyrsta lagi geta fleiri kýr hafa borið á þessum tíma, fleiri kýr eru mjólkaðar en á sama tíma í fyrra eða kýrnar hafa náð að halda betur á sér.

Gefin hefur verið út reglugerð nr. 846/2011 um dýralæknaþjónustu í dreifðum byggðum og er henni ætlað að tryggja dýraeigendum nauðsynlega almenna dýralæknaþjónustu og bráðaþjónustu við dýr á landsvæðum þar sem fjöldi dýra er takmarkaður og/eða verkefni dýralækna eru af skornum skammti. Samkvæmt reglugerðinni getur Matvælastofnun gert þjónustusamning við sjálfstætt starfandi dýralækna, sem munu þá hafa starfsstöð og sinna dýralæknaþjónustu á tilteknum þjónustusvæðum, sem tilgreind eru í reglugerðinni. Undir þá skilgreiningu falla m.a. Austur- og Vestur-Skaftafellssýslur.

Í gær voru 100 skammtar af geithafrasæði fluttir út til Bandaríkjanna á vegum Sauðfjársæðingastöðvar Suðurlands. Sæðið var tekið í fyrrahaust en þá fékkst leyfi dýralæknayfirvalda til þess að flytja geithafra í gömlu nautastöðina á Hvanneyri til sæðistöku. Það var Erfðalindasetur Landbúnaðarháskólans sem stóð fyrir sæðistökunni með tilstyrk Erfðanefndar landbúnaðarins.

Búið er að þýða kafla um landbúnað og dreifbýlisþróun (11. kafla) í rýniskýrslu framkvæmdastjórnar ESB en skýrslan barst íslenskum stjórnvöldum í byrjun september eins og kunnugt er. Í kjölfarið hefur verið þó nokkur umræða um það að undirbúningur Íslands hvað þennan málaflokk snertir sé ónógur gagnvart samningum við ESB. Þá hafa þær raddir verið háværar sem telja koma mjög skýrt fram í skýrslunni að aðildarviðræður Íslands og ESB séu ekki samningsviðræður heldur aðildarferli.

Íslenskt þaraskyr verður kynnt og fólk getur smakkað á Sjávarútvegssýningunni í Kópavogi laugardaginn 24. september, kl. 13-15. Þeir Jón Trausti Kárason og Kjartan Trauner hafa í samvinnu við Matís og fleiri þróað skyrið sem inniheldur þara af tegundinni Marínkjarna úr Breiðafirði. Auk Marínkjarnans inniheldur varan lífræna mjólk frá BioBú, íslensk aðalbláber, lífrænt blómahunang en engan viðbættan sykur né aukaefni.

Sala á kjöti hefur dregist saman um 3,9% á síðustu 12 mánuðum m.v. næstu 12 mánuði þar á undan samkvæmt yfirliti frá Bændasamtökum Íslands. Mestur er samdrátturinn í sölu hrossakjöts eða 11,9% en sala á kindakjöti hefur dregist saman um 6,5% Eina kjöttegundin sem heldur sínu er nautkjöt með 0,5% söluaukningu.

Sláturfélag Suðurlands hefur lækkað verð á kjarnfóðri og tók ný verðskrá gildi þann 12. september sl. Kúafóður 16 lækkar um 2,4% og Kúafóður 20 um 3,0% en verð annarra blandna er óbreytt. Lækkunin er tilkomin vegna breytinga á innkaupsverði, að því er segir í tilkynningu frá félaginu.

Starfsgreinasambandið og Framsýn stéttarfélag í Þingeyjarsýslum hafa samið um kjör landbúnaðarverkamanna við Bændasamtök Íslands en skrifað var undir nýjan samning hjá ríkissáttasemjara í gær. Samningurinn felur í sér það nýmæli að menntun á háskólastigi á sviði búfræði, fiskeldisfræði og tamninga verður metin til launahækkunar.

Niðurstöður skýrsluhalds nautgriparæktarinnar fyrir ágúst hafa verið birtar á vef Bændasamtakanna. Afurðir á landsvísu standa nú í 5.334 kg/árskú sem eru nákvæmlega sömu afurðir og að afloknu ágúst-uppgjöri í fyrra. Hér á Suðurlandi standa afurðirnar í 5.435 kg/árskú og eru mesta í Árnessýslu eða 5.532 kg/árskú.
Hraunkot í Landbroti situr í toppsætinu með 8.079 kg/árskú en fast á eftir er Kirkjulækur í Fljótshlíð með 7.948 kg/árskú. Þriðja búið í röðinni er Reykjahlíð á Skeiðum með litlu minni afurðir eða 7.935 kg/árskú.

Eftir að Evrópusambandið sendi íslenskum stjórnvöldum rýniskýrslu sína um landbúnaðarmál og byggðaþróun í upphafi vikunnar hefur orðið nokkur umræða um framgang aðildarviðræðna Íslands við ESB hvað þennan málaflokk snertir. Ljóst er að kaflarnir um landbúnaðarmál og sjávarútveg verða erfiðustu málaflokkar viðræðnanna enda eru þeir ekki hluti EES-samningsins. Segja má að í þeim málaflokkum sem tilheyra honum sé ekkert um að semja þar Ísalnd hefur í flestu eða öllu tekið upp reglur ESB nú þegar.
Baldur Helgi Benjamínsson, framkvæmstjóri LK, birti nú í vikunni leiðara á naut.is þar sem fram kemur að aðildarviðræður við ESB séu í reynda aðlögunarferli en ekki aðildarviðræður. Nokkuð sem ekki er nýtt í umræðunni og margir hafa viljað meina að væri raunin. Í lok leiðara Baldurs segir hann;

Fóðurblandan hefur sent frá sér tilkynningu þess efnis að í dag, miðvikudaginn 7. sept. 2001, muni allt tilbúið fóður hjá fyrirtækinu lækka um 0-4%. Nýr verðlisti hefur ekki verið birtur né heldur er ástæða lækkunarinnar gefin upp í tilkynningunni.

MS flutti á dögunum út gám af gouda-osti til Hollands og er það í fyrsta skipti í tólf ár sem fastur ostur er fluttur út frá Íslandi en síðast var fastur ostur fluttur út að einhverju ráði árið 1992. Um er að ræða tilraunaverkefni og segir Jón Axel Pétursson framkvæmdastjóri sölu- og markaðssviðs MS að verið sé að kanna markaðsmöguleika með útflutningnum. Gríðarlega góður gangur hefur verið í sölu á skyri í Finnlandi upp á síðkastið og er það hvetjandi til að áframhaldandi markaðsstarfs.