• Forsíða
• Allar fréttir
• Upplýsingar
• Starfsemi
• Nautgriparækt
• Sauðfjárrækt
• Afkvæmarannsóknir
• Fóðrun sauðfjár
• Framleiðslumál
• Gæðastýring í sauðfjárr.
• Hrútaskrá
• Merkingar sauðfjár
• Niðurstöður hrútasýninga
• Sauðfjárræktin í tölum
• Sauðfjársjúkdómar
• Sauðfjársæðingastöð Sl.
• Skýrsluhald í sauðfjárr.
 
• Hrossarækt
• Jarðrækt
• Stóra Ármót
• Búrekstur
• Verkefnavefur
• Leita

• Veðursíður


• Nautaskrá


• Félag kúabænda á Suðurlandi


• Hrossaræktarsamtök Suðurlands

Sauðfjárrækt > Sauðfjársæðingastöð Sl. >

Sauðfjársæðingastöð Sl.

Sauðfjársæðingastöð Suðurlands var stofnuð 1968 af fjárræktarfélögunum á svæðinu. Sauðfjársæðingastöðin heyrir undir stjórn Búnaðarsambandsins og sér Sveinn Sigurmundsson, framkvæmdastjóri, um daglega stjórn og rekstur. Þorsteinn Ólafsson dýralæknir hefur séð um blöndun á sæði og sæðisfrystingu og Guðmundur Jóhannesson um erlend samskipti vegna útflutnings á sæði.

Fyrsta haustið voru 2.790 ær sæddar með fersku hrútasæði frá stöðinni. Þátttakan fór vaxandi og fljótlega bættust Austur Skaftafellsýsla og Kjalarnesið við. Hámarki náði notkunin 1983 en þá voru 10.639 ær sæddar frá stöðinni. Þegar kvótaþrengingarnar fóru að segja til sín minnkaði notkunin bæði vegna fækkun fjár og minni áhuga. Nú síðustu árin hefur áhugi vaxið aftur og árið 2004 voru sæddar 13.845 ær frá stöðinni með fersku sæði. Haustið 2006 voru hins vegar sæddar samtals 17.009 ær með sæði frá stöðinni, þar af 1.714 með frystu sæði.



Haustið 1998 var í fyrsta sinn djúpfryst hrútasæði sent til Bandaríkjanna til áhugasamra ræktenda íslensks sauðfjár og haustið 2009 fékkst leyfi til sendingar á sæði til Noregs.
Í dag er verið að gera tilraunir með djúpfryst sæði til notkunar innanlands.

Sauðfjársæðingastöð Suðurlands gefur árlega út hrútaskrá þar sem birtar eru lýsingar á þeim ásamt fyrirliggjandi upplýsingum um reynslu þeirra. Skráin er litprentuð og í henni eru litmyndir af hverjum hrút. Síðustu ár hefur stöðin haft samstarf við Sauðfjársæðingastöð Vesturlands um þessa útgáfu og því er í raun um að ræða landshrútaskrá. Hrútaskráin er einnig birt undir heimasíðu Búnaðarsambands Suðurlands undir sauðfjárrækt, m.a. á pdf-formi. Vanti þig hrútaskrána þá skaltu senda okkur póst á netfangið bssl@bssl.is með upplýsingum um nafn og heimilisfang. Við munum þá senda þér skrána um hæl.

Sauðfjársæðingastöð Suðurlands, Þorleifskoti.

Leitast hefur verið við að hafa fjölbreytt úrval hrúta, bæði hyrndra og kollótta þar sem megin áherslur eru á kjötgæði en einnig er tekið tillit til frjósemi og mjólkureiginleika dætra og nú seinni árin hafa áherslur á ullareiginleika farið vaxandi. Á stöðinni er einnig að finna forystuhrút og mislita hrúta. Árangur hefur verið nokkuð misjafn milli búa en í heild er um 72% ánna sem festa fang sem á alþjóðamælikvarða verður að teljast nokkuð gott. Sæðistaka hefst í nóvember og er þá tekið sæði til frystingar. Sæðingar með fersku sæði hefjast um mánaðmót nóv./des. og standa fram undir jól. Sæðispantanir eru í síma 482 1920 þegar sæðistaka er hafin en annars í síma 480 1800. Fax er 480 1818. Einnig má senda póst á netfangið bssl@bssl.is .

---

Sjá einnig:

Skýrsla um þátttöku Sauðfjársæðingastöðvar Suðurl. í sauðfjársýningu, Rhinebeck, NY, USA, 20.-21. október 2001