Staðgreiðsla 2007

Veðursíður

Nautaskrá

Félag kúabænda á Suðurlandi

Hrossaræktarsamtök Suðurlands

Áhugavert

Tenglar

Búrekstur > Bændabókhald BSSL > Staðgreiðsla 2007 >

Staðgreiðsla 2007

Staðgreiðsla 2007

Skatthlutfall staðgreiðslu er 35,72%
Skatthlutfall í staðgreiðslu 2005 verður 35,72%. Skatthlutfall barna, þ.e. þeirra sem fædd eru 1992 eða síðar, verður 6% af tekjum umfram frítekjumark.

Persónuafsláttur á mánuði er 32.150 kr.
Persónuafsláttur ársins 2007 er 385.800 kr. eða 32.150 kr. á mánuði. Við ákvörðun staðgreiðslu opinberra gjalda frá og með 1. janúar 2007 skal því draga persónuafslátt frá reiknuðum skatti sem hér segir:
• Ef launatímabil er einn mánuður kr. 32.150
• Ef launatímabil er hálfur mánuður kr. 16.075
• Ef launatímabil er fjórtán dagar kr. 14.798
• Ef launatímabil er ein vika kr. 7.399
• Ef launatímabil er annað en að framan greinir skal ákvarða persónuafslátt launatímabils þannig:

Kr. 385.800 X dagafjöldi launatímabilsins
365

Heimilt að nýta 100% afslátt frá maka
Þegar launamaður nýtir skattkort maka síns er launagreiðanda heimilt að nota allan þann persónuafslátt (100%) sem skattkortið veitir rétt til.

Sjómannaafsláttur
Sjómannaafsláttur verður 834 kr. á dag.

Frítekjumark barna er 100.745 kr.
Börn sem fædd eru 1992 og síðar og ná því ekki 16 ára aldri á tekjuárinu fá ekki persónuafslátt. En fyrstu 100.745 kr. af tekjum þeirra eru ekki skattlagðar. Af því sem fer umfram þessa fjárhæð á árinu 2007 reiknast 6% skattur. Á skilagreinum og sundurliðun RSK skal tiltaka heildarlaun án tillits til frádráttar.

Frádráttur vegna lífeyrissjóðs er 4% af launum og allt að 4% viðbótarfrádráttur
Greidd lífeyrissjóðsiðgjöld 4% af launum til viðurkenndra lífeyrissjóða samkvæmt lögum um skyldutryggingu lífeyrisréttinda eru frádráttarbær og ber að taka mið af því við afdrátt staðgreiðslu. Heimilt er að veita til viðbótar frádrátt allt að 4% af iðgjaldsstofni til aukningar lífeyrisréttinda eða lífeyrissparnaðar samkvæmt ákvörðun sjóðsfélaga, enda séu iðgjöldin greidd reglulega til lífeyrissjóða eða aðila skv. 3. mgr. 8. gr. laga um skyldutryggingu lífeyrisréttinda og starfsemi lífeyrissjóða. Sama gildir um iðgjöld manna sem hafa með höndum atvinnurekstur.

Tryggingagjald o.fl. til staðgreiðslu er 5,34%
Tryggingagjald er 5,19%. Að viðbættu gjaldi í ábyrgðasjóð launa og markaðsgjaldi verður staðgreiðsla þessara gjalda 5,34%. Af launum sjómanna á fiskiskipum greiðast til viðbótar 0,65% í iðgjald vegna slysatryggingar:

• Almennt tryggingagjald 4,54%
• Atvinnutryggingagjald 0,65%
• Tryggingagjald alls 5,19%
• Gjald í ábyrgðarsjóð v/gjaldþrota 0,10%
• Markaðsgjald 0,05%
• Samtals til staðgreiðslu 5,34%
• Viðbót vegna launa sjómanna 0,65%
• Samtals af launum sjómanna [á fiskiskipum] 5,99%

Um tryggingagjald vegna launa þeirra starfsmanna sem eru með vottorð E-101 gilda sérstakar reglur.

Dæmi um útreikning á staðgreiðslu
Stofn til staðgreiðslu eru öll staðgreiðsluskyld laun þegar tekið hefur verið tillit til frádráttarbærs iðgjalds launþega í lífeyrissjóð. Í þessu dæmi sem tekið er hér eru heildarlaun fyrir einn mánuð kr. 200.000. Iðgjald í lífeyrissjóð, þ.e. framlag launþega, er 4% eða kr. 8.000 (sbr. þó heimild til viðbótar frádráttar, sjá bls. 1).

Staðgreiðslan myndi reiknast á eftirfarandi hátt:

Stofn til staðgreiðslu kr. 192.000
Staðgreiðsluhlutfall x 35,72%
Reiknuð staðgreiðsla kr. 68.582
Frá dregst persónuafsláttur kr. 32.150
Staðgreiðsla kr. 36.432

Noti maður skattkort maka nýtir hann allan (100%) þann afslátt sem kortið veitir.

Dæmi um útreikning á tryggingagjaldi
Stofn til tryggingagjalds er hærri en staðgreiðsluskyld laun þar sem mótframlag launagreiðenda til lífeyrissjóða myndar stofn til tryggingagjalds. Undanþegin gjaldskyldu er sú fjárhæð sem launagreiðandi fær endurgreidda úr Fæðingarorlofssjóði.
Í dæminu hér að framan voru heildarlaun kr. 200.000. Við það bætist mótframlag launagreiðanda í lífeyrissjóð, sem í þessu dæmi er 8% af kr. 200.000 eða kr. 16.000. Tryggingagjald og gjöld sem innheimt eru með því myndi reiknast á eftirfarandi hátt:

Stofn til tryggingagjalds kr. 216.000
Staðgreiðsluhlutfall x 5,34%
Tryggingagjald o.fl. kr. 11.534

Reiknivél - Staðgreiðsla og tryggingagjald - BSSL

Orðsending RSK 1/2007