2. fundur 2006

Stjórnarfundur hjá Búnaðarsambandi Suðurlands, haldinn 27. febrúar 2006 á Efra-Seli í Hrunamannahreppi og hófst hann kl. 11 f.h. Mættir voru stjórnarmennirnir Þorfinnur Þórarinsson, Eggert Pálsson, Guðni Einarsson, Guðmundur Stefánsson og Egill Sigurðsson og Sveinn Sigurmundsson framkvæmdastjóri.


1. Búnaðarþingskosningar 2006.
Eftirtaldir voru skipaðir í kjörstjórn:
Þorfinnur Þórarinsson, Elvar Eyvindsson og Valur Oddsteinsson
Til vara:
Guðmundur Stefánsson, Ari Árnason og Sólrún Ólafsdóttir. 
  
Ákveðið að fram fari almenn kosning meðal bænda eins og verið hefur.

2. Kjarasamningaviðræður við frjótækna.
Þorfinnur fór yfir gang mála í viðræðunum.

3. Laxveiðin á Stóra-Ármóti. 
Skýrt frá útleigu á laxveiði á Stóra-Ármóti.

4. Flatgryfja á Stóra-Ármóti. Ákveðið að stefna að uppsetningu útigryfju fyrir sumarið.

5. Aðalfundur BSSL 2006.
Ákveðið að aðalfundurinn í ár verði á Flúðum 21.apríl. Ákveðið að mælast til þess að tillögur sem eiga að afgreiðast á aðalfundi berist Búnaðarsambandinu viku fyrir fundinn.


Sigurður Ingi Jóhannsson oddviti og Ísólfur Gylfi Pálmason sveitarstjóri Hrunamannnahrepps hittu stjórnarmenn og var rætt um búskap og byggðaþróun í Hrunamannahreppi, skipulagsmál og sorphirðumál.


6. Sauðfjársæðingastöðin. 
Ákveðið að taka til nota ónotað rými á sauðfjársæðingastöðinni og stækka hrútarýmið sem því nemur.

7. Fimmtudagsfræðslan.
Ákveðið prófa að nýta fjarfundabúnað hjá Fræðslunetinu sem stendur til boða fyrir fimmtudagsfræðslufundina.

8. Fjárhagur BSSL.
Farið yfir fjárhagsstöðu Búnaðarsambandsins. Kostnaður hefur hækkað en tekjur heldur lækkað.

9. Húsnæðismál BSSL.
Aðsend hugmynd um húsnæðismál Búnaðarsambandsins var kynnt.

10. Afmælisrit BSSL.
Sveinn greindi frá gangi mála varðandi afmælisrit Búnaðarsambandsins.
Fleira ekki gert, fundargerð upplesin og samþykkt.


Eftir fund var farið í skoðunarferð í fjósið í Bryðjuholti og í loðdýrabúið í Ásgerði.


Guðmundur Stefánsson, fundarritari


back to top